Separatistek Poroxenko baztertu eta borrokan jarraituko dute
Ukraina ekialdeko Errusiaren aldeko separatistek gaur bertan izendatutako Petro Poroxenko presidente berria baztertu dute publikoki. Gainera, haien autodeterminazio eskubidea ontzat hartu arte borrokan jarraituko dutela adierazi dute.
"Bi bandoetako batek armak uztea eta errendizioa ematea da benetan nahi dutena, eta hori ez da gertatuko", adierazi du Fiodor Berezin bozeramaile errebeldeak, Donetskeko Herri Errepublika izendatu dutenetik. "Gure lurretan Ukrainako tropak dauden bitartean, Poroxenkok menpean izan nahi gaituela esan nahi du", adierazi du Berezinek.
Donetsk eta Luhansk erregioetako milizia separatisten aurka, "terrorismoaren aurkako operazioa" deitua jarri du abian Ukrainako Gobernuak. Erasoak, baina, areagotu egin dira maiatzaren 25ean Poroxenko presidente hautatu zutenetik.
Luhanksen, 200 pertsona inguru bildu dira Poroxenkoren aurkako manifestazioan, eta loreak utzi dituzte espaloian, astelehenean hil ziren zortzi pertsonen omenez. Ustez, Ukrainako hegazkinek tokiko gobernuaren egoitzara jaurtitako bonben ondorioz hil ziren. Kieven arabera, ordea, leherketa separatistak zeuden eraikin barruan izan zen.
"Gure gobernua Estatu Batuen aginduetara dago. Poroxenko, hori gelditzeko eskatzen dizugu. ¿Odol isuriak nahi al dituzu?", adierazi du protestan bildutako manifestari batek. "Ukrainarrek hautatu dute Poroxenko, eta horrekin bizi beharko dute. Gure errepublikari dagokionez, ez daukagu harreman diplomatikorik Ukrainarekin", esan du, bestalde, Valeri Bolotov Luhanskeko Herri Errepublika autoizendatuaren gobernatzaileak.
Albiste gehiago mundua
Honakoa da NATOko herrialdeen gastu militarra: AEBena ere ez da % 5era iristen
Herrialde bakar bat ere ez dago BPGren % 5etik gertu. Izan ere, herrialde gehienak ez dira % 3ra ere iristen, eta askok ez dute % 2 gastatzen, Ukrainako gerraren ondoren konpromiso hori hartu bazuten ere.
Jeff Bezos Amazonen jabearen ezkontzako gonbidatuak Veneziara iristen hasi dira, bizilagunen protesta artean
Jeff Bezos handiki estatubatuarraren eta Lauren Sanchez aurkezle ohiaren ezkontzak bizilagunen protestak piztu ditu Venezian. Hiria aberatsen zerbitzura dagoen "luxuzko erakusleiho" bihurtu dela salatzen dute. Bizilagunen (49.313) eta ostatu-plazen (49.176) ia kopuru berarekin, 2017tik biztanleria % 7 murriztu da, bisitarien hazkundearen proportzio berean.
Trumpek Espainiako produktuei ezarritako muga-zergak areagotzeko mehatxua egin du, Defentsarako gastua % 5era igo ezean
AEBko presidenteak ziurtatu du Espainiarekin merkataritza akordio berria negoziatuko duela, Pedro Sanchezek gastu militarra % 5era igotzeari uko egin diolako, NATOko bileran estatu guztiek adostatukoaren kontra.
Sanchezek berretsi du Espainiak ez duela BPGaren % 2,1 baino gehiago Defentsara bideratuko
Mark Rutte NATOren idazkari nagusiak berak onartu du Espainiarekin "ados daudela ados ez daudela esatean" Defentsara bideratutako gastua igotzea dela eta.
Ruttek uste du aliatuek onartuko dutela defentsa gastua % 5era igotzea, eta Espainiak ez duela goi-bilera arriskuan jarriko
Donald Trump AEBko presidenteak NATOko batzarraren mahai gainean jarriko du defentsa gastua handitzeko beharra. Espainiako Gobernua, baina, eztabaidaren erdigunean dago, ohartarazi baitu ez duela gastu militarra igoko.
NATOren afaria, irudi batean: Sanchez eta Trump elkarrengandik urrun eta Zelenski traje beltzez jantzita
Sanchezek eta Trumpek bat egin dute lehen aldiz Herbehereetako errege-erreginek Huis ten Bosch jauregian egindako afarian, defentsarako gastua handitzeak eragindako polemikaren ostean. Afariko beste protagonista Zelenski izan zen, traje beltzez jantzita agertu baitzen.
Suitzako glaziarrak Gruyere gazta baten gisa zulatuta, klima aldaketaren ondorioz
Larrialdi klimatikoaren ondorioz, glaziarrak gero eta bizkorrago ari dira urtzen. Elurra urrituz eta tenperaturak berotuz doaz, eta glaziarrek dinamismoa galtzen dute. Izotz masa handi-handiak gutxiago mugitzen dira, eta, geldirik, urtu egiten dira.
Albiste izango da: Israelen eta Iranen arteko su-etena, NATOren goi-bilera Hagan eta orain.eus-en aurkezpena
Gaurkoan albiste izango direnen laburpena, bi hitzetan.
Israelek laguntza jasotzeko zain zeuden beste 49 pertsona hil ditu Gazan
Hala, Israelgo Armadak gutxienez 410 palestinar hil ditu maiatzaren 28tik GHF fundazio polemikoak antolatutako banaketa guneetan, eta beste 93 hil dira NBEk eta gobernuz kanpoko beste erakunde batzuek banatutako laguntza urria eskuratzen saiatzen ari zirenean.
NATOk "Espainiarekin arazo bat" duela esan du Trumpek Hagako goi-bilera hasi baino lehen
Horrela, agintari estatubatuarrak Espainiaren gastu maila kritikatu du. Gainera, Trumpek NATOren 5. artikulua esplizituki babestea saihestu du, kideen elkarrekiko defentsa klausula, hain zuzen ere.