Ukrainak indarkeriaren amaierari atea ireki dio hego-ekialdean
Petro Poroshenko Ukrainako presidenteak aldebakarreko su-etena deklaratuko duela iragarri du asteazken honetan, eta errusiazaleen aurkako borroka armatua behin-behinean gelditu egingo da Ukraina hego-ekialdean.
Presidenteak iragarpen horrekin Ukrainako Radak (Parlamentuak) Donetsken eta Lugansken gerra-legea deklaratzeko estatuburuaren eskaera bozkatu behar zuen gaur.
Bakerako aukera berri bat emateko proposamena Poroshenkok Vladimir Putin Errusiako presidentearekin telefonoz izandako hizketaldi baten ostean iritsi da. Bi agintarien arteko lehen elkarrizketa izan da, mendebaldeko liderren bitartekotzarik gabe.
Talde errusiazaleek zibilak torturatzen dituztela salatu du NBEk
Talde errusiazale armatuak zibilen kontrako erasoak egiten ari dira Ukraina ekialdean, Nazio Batuen Erakundeak asteazken honetan salatu duenez. Orain arte, errusiazaleek aktibistak, politikariak eta kazetariak zituzten jomugan eta horiek torturatzen, bahitzen eta hiltzen zituzten, baina orain zibilei ere eraso egiten diete, NBEren arabera.
"Giza eskubideen kontrako krimenek ez diete kazetariei, hautetsiei, funtzionarioei edo aktibistei soilik eragiten. Gaur egun, talde armatuek zibilak bahitzen, torturatzen eta hiltzen dituzte Ukraina ekialdeko lurraldeetan", salatu du Nazio Batuen Erakundeak.
Hala dio Nazio Batuen Erakundeko Giza Eskubideen bulegoak Ukrainari buruz egin duen hirugarren txostenak. NBEk 34 behatzailez osatutako talde bat dauka Ukraina ekialdean, eta talde horren esanetan "eskualdean intimidazioa eta beldurra dira nagusi".
Gutxienez 356 pertsona hil dira Ukraina ekialdean, NBEren arabera
Gutxienez 356 pertsona hil dira gatazka hasi zenetik Ukraina ekialdean, Nazio Batuen Erakundeko behatzaileek egindako kontaketaren arabera.
2014ko apirilaren 11 eta ekainare 14a bitartean hildakoak dira guztiak ere. Ukrainako Osasun Ministerioak 257 hildako zenbatu ditu, horietatik 14 haurrak, eta horiei Mariupolen hildako 11 lagunak, Donbasen zendutako biak eta 86 militari gehitu behar zaizkie. Hildako militar horien artean daude errusiazaleek botatako hegazkinean zihoazen soldaduak ere. Nazio Batuen Erakundeak ez du argitu hildako horien artetik zenbat diren errusiazaleak.
Albiste gehiago mundua
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bilera zalantzaz inguratuta dator: Volodimir Zelenski Ukrainako presidenteak ez du parte hartuko eta su-eten edo bake-prozesu baterako aurrerapauso gutxi espero dira.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.