Ia 4.000 etorkin erreskatatu ditu Italiak pasatu den asteburuan
Italiako kostaldetik hurbil eta arriskuan dauden etorkinen ontziei laguntzeko 'Mare Nostrum' operazioak Italian sartu nahi zuten ia 4.000 pertsona erreskatatu ditu ostiraletik igandera artean, Defentsa Ministerio italiarrak jakinarazi duenez.
Portuko Kapitaintzako eta merkataritzako ontziek ere parte hartu dute laguntza operazioetan, eta 25 gorpu atera dituzte.
Larunbatean, 'Sirio' patruila ontziak zailtasunak zituen txalupa puzgarri bateko 73 etorkin erreskatatu zituen, eta 18 hilotz aurkitu zituen. Geroago, beste 193 pertsona artatu zituen, arazoak zituen beste ontzi batetik.
'Fasan' fragata Italia hegoaldeko Reggio Calabriara iritsi zen atzo, eta ostiralean eta larunbatean erreskatatutako 1.373 etorkin eta hilotz bat utzi zituen bertan.
Gainera, igande gauean, Defentsa Ministerioaren arabera, beste 364 etorkin artatu zituzten Itsas Armadako helikoptero eta ontziek, Libia iparraldeko kostan euren arrantzontzia irauli ostean. Sei pertsona hil ziren bertan, eta desagertu gehiago egon ote ziren ikertzen ari dira.
Bestalde, 'San Giusto' ontzia astelehen arratsaldean iritsiko da Cronotera, Itsas Armadarekin eta Portuko Kapitaintzako ontziekin batera asteburuan erreskatatutako 1.367 etorkinak uztera; tartean, 192 emakume eta 156 haur daude.
Kapitaintzako txalupek 277 etorkin artatu dituzte asteburuan zehar.
Zure interesekoa izan daiteke
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.