Obamak plan berezia iragarri du Estatu Islamikoa garaitzeko
Barack Obama AEBko presidenteak Estatu Islamikoa garaitzeko egitasmo berezia iragarri du igande honetan. Datorren asteazkenean eramango du plan hori Kongresura, eta bertan emango ditu estrategiari buruzko xehetasunak.
Obama Kongresuko buruekin elkartuko da asteartean, eta egitasmo berria babesteko eskatuko die. Asteazkenean, Kongresuaren aurrean hitz egingo du, eta bertan "gure egitasmoa zein den azalduko dugu", aurreratu du Obamak NBC telebista kateari eskainitako elkarrizketan. "Estatubatuarrek Estatu Islamikoaren mehatxua ulertzea eta horri nola egingo diogun aurre jakin dezaten nahi dut. Halaber, herritarrek mehatxu horri aurre egiteko gai izango garela jakitea nahi dut", azpimarratu du. "Hurrengo pausoa erasora pasatzea da", aldarrikatu du.
AEBk herrialde arabiarren babesa beharko duela azpimarratu du, eta Saudi Arabia, Jordania, Arabiar Emirerri Batuak eta Turkia aipatu ditu, besteak beste.
Estatu Islamikoa garaitzeko egitasmoa Kongresuan bozkatuko den galdetuta, "AEBko herritarrak babesteko baimena" jasoko duen itxaropena agertu du. "Kongresuko kideek egitasmoa eztabaidatzea, ulertzea eta babestea garrantzitsua dela uste dut", nabarmendu du.
Hala ere, Obamak baztertu egin du Irakera edo Siriara soldaduak bidaltzea: "Hau ez da Irakeko gerraren antzekoa". "Nazioarteko koalizio bateko kide izango gara, eta inguru horretan bertan borrokan ari diren soldadu irakiarrei eta kurduei laguntzeko aire erasoak egingo ditugu", azaldu du.
Zure interesekoa izan daiteke
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.