Aire-istripua
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

AirAsiako hegazkinaren lau zati handi aurkitu dituzte Javako itsasoan

Airbus A320-200 hegazkina igandean desagertu zen, 162 bidaiari zeramatzala. Orain arte, 30 lagunen hilotzak berreskuratu dituzte.
18:00 - 20:00
AirAsiako hegaldiko gorpuak Surabayara heldu dira
author image

Erredakzioa

Azken eguneratzea

Fransiskus Bambang Indonesiako Bilaketarako eta Erreskaterako agentziaren zuzendariak larunbat honetan iragarri duenez, igandean desagertutako AirAsia konpainiaren hegazkinaren lau zati handi aurkitu dituzte Javako itsasoan.

Bambangek prentsaurrean adierazi du QZ8501 hegaldiarenak izan daitezkeen objektuak ur azpian daudela eta agentzia argazkiak eskuratzen ari dela, kontrolpeko urpekarien bitartez.

Eguraldi txarra dela eta, oso zaila izaten ari dira erreskate lanak. Olatuengatik, oso zaila omen da urpekarien ibilbidea zehaztea eta erreskate lanak hegaldiaren biktimak aurkitzen saiatzen ari dira. Momentuz AirAsiako hegaldiaren 30 biktima aurkitu dituzte. Igandean erauntsi zen hegazkina Surabayatik Singapurrera zihoanean, 162 bidaiarirekin.

Momentuz hegazkinaren pieza txikiak baino ez dituzte aurkitu, baina 'kutxa beltzen' arrastorik ez dute aurkitu. Ordura arte, ez dute jakingo zer gertatu zen: erradarrekin kontaktua galdu zuten eguraldi txarra dela eta ibilbide aldaketa eskatu zuenean. "'Kutxa beltza' aurkitu ostean txosten bat egingo dugu, hilabeteko epean", adierazi du Toos Sanitoso Garraioen Segurtasunerako Batzordeko arduradunak. "Oraindik ez dakigu zerk sortu zuen istripua", esan du.

Ez zuen baimenik

Bere aldetik, Indonesiako Garraio ministerioak AirAsiako Surabaya eta Singapuren arteko hegaldiak bertan behera gelditu direla jakinrazi du. Izan ere, QZ8501 hegaldiak ibilbide hori astean lau aldiz egiteko baimena baino ez zuen, eta egun horietako bat ez zen igandea (istripua gertatu zenean).

Hadui Mustofa ministerioko bozeramaileak adierazi du agian gidariak ez zuela txosten meteorologiko bat eskatu haizea hartu zuen unean, hegaldi guztietan egin behar den legez. Malaisiako AirAsia konpainiak ez du horren inguruko iruzkinik egin nahi izan, baina enpresaren nahia agintariekin batera lan egitea dela, zer gertatu den argitzeko.

Indonesiatik Singapurrera zihoan hegazkin batekiko kontaktua, galduta
Hegazkina Javako itsas hondoan dagoela uste du Indonesiak
Indonesiako hegazkina amildu zen lekua topatu dute
AirAsiako hegaldiko gorpuak Surabayara heldu dira
Munduko albisteak

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X