Fidel Castroren esaldiak
- "Kondenatu nazazue, ez zait axola, Historiak absolbitu egingo nau". Moncada Kuartelari egindako erasoaren harira 1953ko urrian egindako epaiketan aurkeztutako alegazioa.
- "Aski da! Munduko arazoak ezin dira arma nuklearrekin konpondu. Bonbek gose eta gaixorik daudenak eta ezjakinak hil ditzakete, baina ezin dituzte hil gosea, gaixotasunak eta ezjakintasuna". NBEren Batzar Nagusian egindako hitzaldia, New Yorken, 1979ko urriaren 12an.
- "Inperialistek ez digute barkatzen gu hemen egotea eta AEBn sudurren aurrean Iraultza sozialista bat egin izana, ezta Iraultza sozialista hori fusil hauekin defendatuko dugula ere!". 1961eko apirilaren 16an egindako hitzaldia, hau da, AEBk Cochinos badiako inbasioa abiatu eta egun batera.
- "Iraultzaren baitan, dena; Iraultzaren aurka, ezer ez". 1961eko ekainean Kubako intelektualekin bildu ostean Habanako Liburutegi Nazionalean egindako hitzaldia.
- "Herri adoretsu eta kementsu batek negar egiten duenean, bidegabekeriak dar-dar egiten du!". 1976ko urriaren 15ean, Iraultzaren Plazan, egindako hitzaldia, hilabete horretan airean leherrarazi zuten hegazkin kubatar baten biktimen aldeko ekitaldi batean.
- "Ideiek ez dituzte armak behar jende-andanak konkistatzeko gauza badira". 1985eko abuztuaren 3an eskainitako hitzaldia, Latinoamerikaren eta Karibearen Kanpo Zorrari buruzko Goi-bileraren amaiera ekitaldian.
- "Gure historiako une zailenetako batean gaude; izan ere, bakarrik geratu gara Inperioaren aurrean, bakar-bakarrik". Sobietar Errepublika Sozialisten Batasuna 1991ean desegin eta gero esandako hitzak.
Fidel Castro, Moncada koartelaren aurkako erasoagatik atxilotu zutenean. Wikipedia
- "Eredu kubatarrak ez du funtzionatzen ezta guretzat ere". Jeffrey Goldberg kazetari estatubatuarrak 2008an The Atlantic aldizkarirako egindako elkarrizketa batean jasotako adierazpenak.
- "Kubak eutsi egin du eta eutsi egingo dio, ez du inoiz limosnarik eskatuko". 2009ko apirilaren 13an Granma egunkari ofizialean publikatutako artikulu batean, Barack Obama Estatu Batuetako presidenteak AEBn bizi diren kubatarrak uhartera bidaiatu ahal izateko baldintzak leundu eta gero.
- "Kuban homosexualek izan duten jazarpenaren erantzulea naiz". Carmen Lira Saade kazetariak La Jornada egunkari mexikarrean 2010eko abuztuaren 31n publikatutako elkarrizketa batean. Adierazpen horiekin, jazarpen horri aurre egin ez izanaz damutu zen Fidel Castro. Elkarrizketa horretan bertan, beste titular bat utzi zuen komandanteak, bere osasun egoerari buruzkoa: "Hilda egon nintzen, baina suspertu egin naiz".
- "Gauza asko aldatuko dira Kuban, baina gure esfortzuen ondorioz eta AEB gorabehera izango da; baliteke inperio hori lehenago eraistea". 2011ko irailean Granma egunkarian publikatutako artikulu batean, Barack Obama AEBko presidenteak Kuban mugimendu demokratiko bat beharrezkoa dela esan ondoren.
- "Zoritxarrekoak zuek! Ez dakit ezta buruko min bat zer den ere!". 2012ko urriaren 21ean cubadebate.cu webgunean publikatutako gutun batean, hainbat hedabidek enbolia masibo bat izan duela publikatu eta gero.
ikatu eta gero.Zure interesekoa izan daiteke
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.