Obamak etorkinen inguruan iragarritako neurriak, bertan behera
Texasko epaile batek bertan behera utzi ditu Barack Obama AEBko presidenteak etorkinei euren egoera legeztatzeko asmoz azaroan iragarri zuen neurri-sorta. Neurri horiek bost milioi etorkini baino gehiagori eragingo zien, eta maiatzean indarrean sartzea aurreikusita zegoen.
AEBko 26 estatuk Obamaren neurrien kontra jarritako salaketa aztertu duen epaileak dekretua bertan behera uztea erabaki du ?behin-behinean?, Efe albiste-agentziak ebazpenaren berri jaso ondoren zabaldutakoaren arabera.
Asteazken honetan abiatu behar zen Umezaroan Iritsitakoentzako Ekintza Geroratua (Deferred Action for Childhood Arrivals, DACA) izeneko neurria, milaka eta milaka etorkini erroldan izena emateko aukera eskainiz, deportazioa hiru urtez atzeratu eta behin-behineko lan-baimena lortzeko aukera eman behar diena. Epailearen erabakia, baina, neurri hori indarrean sartu bezperan etorri da, otsailaren 16ko data baitu.
2012an sortu zuten plan horri esker, miloi erdi gazte baino gehiago (ameslariak izenaz ezagutzen dituzte) deportatzea saihestu dute, eta estatubatuarren gurasoei eta behin betiko estatusa duten seme-alabei lan-baimenak ematea aurreikusten du.
Epailearen esanetan, ?demandatzaileetako batek behintzat demandari eusteko beharrezko baldintza guztiak betetzen ditu?, eta, ondorioz, ?behin-behineko agindu judiziala? eman du neurri horiek bertan behera uzteko, ?kausa honetan jasotakoen inguruan behin betiko ebazpena eman arte edo epaimahai honek bestelako agindurik eman arte?.
Epaile hori George W. Bush presidenteak izendatu zuen 2002an, eta, hori dela eta, salatzaileen alde eta Gobernuaren neurrien kontra egitea espero dute.
Halaber, litekeena da Obamaren Gobernuak helegitea aurkeztea erabaki horren aurka dagokion apelazio auzitegian, epailearen ebazpenak neurriak indarrean jartzeko prozesuan eraginik izan ez dezan eta, ondorioz, asteazkenean izena emateko ireki behar zuten epeari eragin ez diezaion.
Obama, neurriak iragartzen. Bideoa: EiTB
Zure interesekoa izan daiteke
Israelek eta Estatu Batuek eraso egin diote Iranek eta Qatarrek partekatzen duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, egoera are gehiago zailduko dutenak eta mundu guztiari eragin diezaioketenak.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.