Tiroz hil dute Boris Nemtsov, Errusiako oposizioko liderra
Boris Nemtsov, Errusiako oposizioko liderra eta lehen ministro ordea izandakoa Moskun hil da hainbat tiro jaso ondoren. Bertako komunikabideek adierazi dutenez, ezezagun batek gutxienez lau tiro egin dizkio.
Kremlin inguruan, Mosku erdialdean, paseatzen ari zen Nemtsov emakume batekin, arma bat zeraman gizonezko bat gerturatu eta tiro egin dionean.
Nemtsov RPR-Parnas alderdi politikoko kidea zen eta, Boris Yeltsinen garaian, lehen ministrorde karguan izan zen; hori dela eta, presidentegai izateko aukera handiak zeuden.
Vladimir Putinen garaian, Nemtsov oposizioko kiderik gogorrenetakoa izan da Gobernuaren politiken kontrako kritikan.
Putinek hilketa gaitzetsi du
Vladimir Putin Errusiako presidenteak gaitzetsi egin du Nemtsoven hilketa; gainera, ikerketa batzordea eratu eta, zelan egin den ikusita, esan du balitekeela enkarguz agindutako erailketa izatea.
Bestalde, Petro Poroshenko Ukrainako presidentea ziur agertu da Twitter bidez Errusiak gertatutakoaren erruduna topatuko duela.
Nemtsovek Errusiaren esku-hartze militarrari buruzko frogak erakusteko asmoa zuen, Poroxenkoren arabera
Petro Poroxenko Ukrainako presidenteak gaur azaldu duenez, Errusiako Armadak Ukrainan egindako esku-hartze militarrari buruzko froga sinesgarriak argitaratzeko asmoa agertu zion duela aste batzuk Boris Nemtsov Errusiako oposizioko buruak.
"Duela aste batzuk Ukrainaren eta Errusiaren arteko harremanak nola eraiki hizketan aritu ginen, harreman horiek nolakoak izatea nahiko genukeen azaldu genion elkarri. Borisek esan zidan Errusiako Armadak Ukrainan egindako esku-hartze militarrari buruzko froga sinesgarriak argitaratu behar zituela", adierazi du Poroxenkok.
Estatuburuak gaineratu duenez, "baten bat" froga horiek argitaratzearen beldur zen. "Borisek ez zeukan beldurrik. Borreroak beldur ziren. Haiek hil dute", esan du.
Poroxenkoren esanetan, "Nemtsov Ukrainaren lagun mina zen eta, aldi berean, errusiar abertzalea", bi estatuen arteko zubi lanak egiten zituena.
Europar Batasunak Boris Nemtsoven "hilketa basatia" gaitzetsi du
Federica Mogherini Europar Batasuneko Atzerri Gaietarako ordezkariak Boris Nemtsov Errusiako oposizioko buruaren hilketa gogor gaitzetsi du.
"Errusiako agintariek hilketari buruzko ikerketa osoa, azkarra eta gardena aurrera eramatea espero du Europar Batasunak, arduradunak Justiziaren aurrera eraman ditzaten", adierazi du Mogherinik.
Ikerketa
Lehenengo zantzuen arabera, Nemtsoven kontra tiro egin duenak, edo dutenek, auto zuri bat erabili du eta politikariak lau tiro jaso ditu bizkarrean, baina bala-zorro gehiago topatu dituzte bertan.
Poliziak azaldu duenez, tiroketa gertatu denean hiru auto zuri egon dira zubian, antza denez, Ford markakoak. Horrez gain, autoen plakak ere aurkitu dituzte eta, orain, haien bila ari dira. Alabaina, zenbait lekukoren arabera, ez zeramatzaten plakarik.
Zure interesekoa izan daiteke
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.