Onik aurkitu dituzte desagertuta zeuden bi turista espainiarrak
Bardoko Museoan atzo izandako atentatuan hil ziren turisten gorpuak identifikatzeko lanetan jarraituko dute gaur Tunisiako erakundeek. Gaur goizean, hildako baten berri eman du bertako Gobernuak eta, hortaz, 23 dira atzoko atentatuan hil ziren pertsonak. Horrez gain, beste 47 zauritu zirela eman du jakitera Tusiniako Gobernuak.
Hildakoen artean, bi kataluniar daudela jakinarazi zuten atzo Espainiako Gobernuak. Horrez gain, bidaiari-ontzira bueltatu ez diren 13 lagunen bila ari dira, eta, hamahiru horien artean, espainiar nazionalitatea duten bi pertsona zeuden, baina "bizirik eta onik" aurkitu dituzte.
Bidaiari-ontzietako enpresak aditzera eman duenez, desagertutako turista horiek Bardoko Museoan zeuden oraindik. Bidaiari-ontzi biak dagoeneko Tunisiatik atera dira. Bartzelonatik ostiralean abiatu zen ontzia 27 bidaiari gutxiagorekin iritsiko da bihar Kataluniako hiriburura.
Bestalde, atentatuan hil ziren bi kataluniarrei autopsia egin diete dagoeneko. Hala ere, ez dute uste gaur bertan espainiaratuko dituztenik, tramiteak direla eta. Hildako horien senideak Tunisian dira dagoeneko, gorpuak identifikatzeko.
Museoa datorren astean
Latifa Lajdar Kultura ministro tunisiarrak iragarri du Bardoko Arkeologia Museo Nazionala datorren astean irekiko dutela berriro, eta Munduko Foro Sozialaren jarduerak hartuko dituela.
20 pertsona hil ziren
Zenbait lekukok EFE agentziari azaldutakoaren arabera, erasotzaileak meskita batetik atera ziren eta turistak zeramatzan autobus baten kontra tiro egin zuten. Tiroketa horretan zortzi lagun hil ziren. Ondoren, zenbait pertsona bahitu eta Parlamentua eta Museo batzen diren aldeko gela batean babestu ziren.
Poliziak 22 urteko erasotzaile bat atxilotu zuen. Gainerakoak hil egin zituzten, bahituak askatu aurretik. Tiroketan, beste 15 lagun hil ziren.
Bi kataluniar hil dira
Bi kataluniar dira hildako 18 turista atzerritarretako batzuk: Antoni Cirera Perez eta Dolores Sanchez Rami. Gainera, nazionalitate espainiarreko beste hainbat lagun bahituta egon dira erasoak iraun duen sei orduetan.
Jose Manuel Garcia-Margallo Espainiako Atzerri ministroak esan du 90 espainiar inguru zeudela erasoa gertatu den unean Tunisian. Espainiako Atzerri Ministerioak jakitera eman duenez, espainiar nazionaliteko beste bi lagunen bila ari dira, haien arrastorik ez dutelako. Ez dira ontzira itzuli.
2002an 20 turista hil zituztenetik, atzerritarrek jasan duten eraso gogorrena da gaurkoa, eta nahastu egingo du herrialdearen egoera, Udaberri Arabiarra deritzon prozesutik ondoen atera zen herrialdearen egoera hain zuzen ere.
Tarragonar bat "justu-justu" libratu da
Josep Lluis Cusido (PSC) Vallmolleko (Tarragona) alkatea eta bere emaztea Bardo Museoan zeuden erasoa gertatu denean, eta "justu-justu" lortu omen dute bizirik irtetea.
"Gizon batzuk sartu eta tiroka hasi dira: justu-justu gaude bizirik", adierazi du Cusidok telefonoz.
"Gizon horiek bat-batean hasi dira tiroka, eta hildakoak erortzen ziren; lur jota gaude", azaldu du alkate kataluniarrak.
"Errukirik gabe, terrorismoaren aurka"
Terrorismoaren aurka "errukirik gabe" arituko dela azpimarratu du Tunisiako presidente Beyi Caid Essebsik, adierazpen ofizial batean.
"Gutxiengo direnen talde horiekin amaitu arte, terrorismoaren aurkako borrokan jarraituko dugu", adierazi du.
Biktimen senideei elkartasuna adierazi die Tunisiako presidienteak, eta segurtasun indarrek egindako lana goraipatu du. "Tragedia hau berriz gerta ez dadin lan eging dugu", amaitu du.
itu du.Albiste gehiago mundua
Laguntza jasotzeko zain zeuden 73 gazatar hil ditu Israelek, eta ebakuazio behartua agindu du
900 pertsona baino gehiago hil dira Gazan elikagaiak lortzen saiatzen ari zirela. UNRWAk Israeli eskatu dio duela lau hilabete eta erditik indarrean dagoen elikagaien banaketaren blokeoa amaitzeko.
Ishiba lehen ministroarentzat erabakigarriak diren Goi Ganberarako hauteskundeak dituzte gaur Japonian
Hauteskunde parlamentario hauek erabakigarriak dira Ishibaren Exekutiboarentzat, izan ere, Ishibak gutxiengoan gobernatzen du joan den urriko hauteskunde orokorretan Behe Ganberaren kontrola galdu zuenetik.
Sueida eskualdeko borrokak amaitutzat eman ditu Siriako Gobernuak
Inguruan nolabaiteko lasaitasun tirabiratsua da nagusi, biktimei arreta emateko korridore humanitarioen irekiera prestatzen ari diren bitartean. Giza Eskubideen Siriako Behatokiaren arabera, mila pertsona hil dira.
Jende multzo baten kontra egin du auto batek Los Angelesen eta 30 zauritu utzi ditu, zazpi egoera kritikoan
Gutxienez 30 pertsona zauritu dira, horien artean zazpi egoera kritikoan eta sei larri, gaur goizaldean Los Angelesen (AEB), auto batek harrapatuta. Poliziaren bozeramaileak jakinarazi duenez, ibilgailu bat 02:00ak aldera (11:00ak Euskal Herrian) The Vermont Hollywood kontzertu-aretora sartzeko zain zegoen jendearen kontra joan da. Ustezko erasotzaileak, jatorri hispaniarreko gizon batek, hainbat pertsonarekin eztabaidatu zuen Vermont Hollywood barruan, eta, ondoren, lokaletik atera zen eta "arrazoiren batengatik, espaloian jendea harrapatzea erabaki zuen", esan du Horacio Aguirre Los Angeleseko Polizia Departamentuko sarjentuak The Washington Post egunkarian.
Israelek 48 pertsona hil ditu Gazan, horietatik 32 elikagaia banatzeko puntu batera iritsi nahian zebiltzanak
Tropek banaketa puntua inguratu eta bertara iritsi nahian zebiltzan milaka palestinarren aurka tiroka hasi dira soldadauk, lekukoen eta tokiko iturrien arabera.
AEBk El Salvadorrera deportatutako 252 preso Venezuelara bueltan dira
Trukean, Venezuelak 10 preso estatubatuar eman dizkio AEBri. Maduroren Gobernuak eskerrak eman dizkio Jose Luis Rodriguez Zapatero Espainiako Gobernuko presidente ohiari egin dituen bitartekaritza lanengatik, eta Donald Trump AEBko presidenteari, "egoera guztiz irregular hau zuzentzeko erabakiagatik".
Brasilgo Justiziak Bolsonarori orkatilako elektroniko bat jarri dio haren mugimenduak kontrolatzeko, Trumpen mehatxuei aurre eginez
Erabakia Alexandre de Moraes epaileak hartu du. Bolsonarori "justizia oztopatzea" egotzi dio. Era berean, epailearen ahotan, buruzagi ohi ultraeskuindarrak "atzerriko gobernu bat Brasilen aurka egitea eskatu, bultzatu eta lagundu du".
Tomorrowlandek agertoki nagusi berri batekin ireki ditu ateak
Eszenatoki berria sugarrek kiskali zuten jatorrizko eszenatokiaren hezurdura suntsituaren aurrean jarri dute. Oraindik ez da ezagutzen sutearen arrazoia, baina zenbait hedabideren arabera, sua hasi aurretik su artifizialak entzun ziren.
Salvini berriro epaituko dute, errefuxiatuz betetako Open Arms ontzia 2019an Lampedusan porturatzea eragozteagatik
Salvinik, orduko Barne ministroak, Open Arms itsasontzi batek erreskatatutako 147 migratzaile lehorreratzea galarazi zuen 20 egunez. Palermoko auzitegi batek botere-abusu eta askatasun-gabetze karguetatik absolbitu zuen orduko Barne ministroa 2024an.
Poliziak Bolsonaroren etxea miatu du eta AEBetako Gobernuarekin maniobrak egitea leporatu dio, Brasil zigortzeko
Brasilgo Poliziaren arabera, Jair Bolsonaro Brasilgo presidente ohiak eta haren seme Eduardok Estatu Batuetako Gobernuarekin maniobrak egin dituzte azken hilabeteetan, "Brasilgo Estatuko agente publikoei" zigorrak ezartzeko eta Gorte Gorena buruzagi ultraren aurkako epaiketa artxibatzera behartzeko.