Maduro ere bildu da Obamarekin, eta esan du ez direla AEBren etsai
Nicolas Maduro Venezuelako presidenteak baieztatu egin du, Telesur telebista katean, Barack Obama AEBko presidentearekin bildu dela Panamako Goi Bileran eta balitekeela "elkarrizketa prozesua abiatzea" horrezkero.
Madurok gaineratu duenez, Obamarekin izan duen bilera ustekabekoa izan da, baina "serioa" eta "zintzoa". Hamar minutu inguruko batzarra egin dute, itzultzaileen laguntzarekin, eta egia esan omen diote elkarri, "modu maitakorrean".
"Esan diot ez garela AEBn etsai, iraultzaileak baizik, bihotz berokoak, eta bakea eraiki nahi dugula", zehaztu du.
Madurok ez du, alabaina, elkarrizketaren edukiaz gehiago esan. Baina, aipatu duenaren arabera, baliteke "AEBrekin elkarrizketa prozesua eta errespetuan oinarritutako harremana abiaraztea datozen egunotan".
Maduroren esanetan, Panamakoa "Egiaren Goi Bilera" izan da, eta bat egiten jarraitzeko dituzten arrazoiak askatasunez adierazi dira.
Era berean, esan du Venezuelak Latinoamerikaren erabateko babesa jaso duela, Estatu Batuek ezarritako zigorren gaitzespenean. Esterako, Venezuela "mehatxu" zela adierazi zuen AEBk.
Ikusmin handia sortu duen irudietako bat, Panamako Goi Bileran. EFE
Correaren eta Moralesen kritikak
Bestalde, Ekuadorrek eta Boliviak hainbat akusazio egin dizkiote AEBri, eta Venezuelari ezarritako zigorrak gaitzetsi dituzte.
Nazioarteko zuzenbidea urratzea leporatu dio Rafael Correa Ekuadorreko presidenteak Obamari. Halaber, Correak ohartarazi duenez, Latinoamerikak "ez du inoiz gehiago babesik eta esku-sartzerik onartuko".
Evo Morales Boliviako presidenteak, berriz, "mehatxuak, xantaiak, terrore-politikak eta mota guztietako baldintzak bertan behera uzteko" eskatu dio AEBko presidenteari. "Latinoamerika behin betiko aldatu da, eskualde otzan eta menderatua izateari utzi diogu", azpimarratu du.
Zure interesekoa izan daiteke
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.