Kontserbadoreek garaipen argia lortu dute, inkesten arabera
Alderdi Kontserbadoreak 316 diputatu lortuko ditu Erresuma Batuko hauteskundeetan, gehiengo absolututik hamar eserlekura soilik, eta Alderdi Laboristak baino 77 ordezkari gehiago, azken inkesten arabera.
Horrela, Komunen Ganberan 316 eserleku lortuko lituzke David Cameronen alderdiak. Ed Milibanden alderdiak, aldiz, 239 diputatu eskuratuko lituzke, inkesten arabera.
SNPk 58 diputatu lortuko lituzke, Eskoziako ordezkari guztiak bat izan ezik, alegia. Alderdi Liberal Demokratak hamar eserleku bereganatuko lituzke, eta UKIPek bi bakarrik.
Egunaren garrantziaz jabetuta, lehen ministrorako hautagaiak goizean goiz joan dira hauteslekuetara, eta herrialdean 09:00ak zirenerako botoa emana zuten gehienek.
David Cameron lehen ministro britainiarrak 09:10ean eman du botoa, Witney hauteskunde barrutian (Oxfordshire konderria). Ordubete arinago, Ed Miliband laborista izan da botoa ematen. Goiztiarrena, ordea, Nigel Farage UKIPeko buruzagia izan da, eta ondoren bozkatu dute Natalie Bennett Berdeen buruak eta Nicola Sturgeon SNPko idazkariak.
Cameronek eta Milibandek Twitter erabili dute euren mezuak helarazteko:
"Belaunaldi honetako hauteskunde garrantzitsuenetan botoa emateko eguna heldu da. Zure botoak etorkizunari ez ezik, zure familiari eta gure herrialdeari ere eragingo dio. Ed Miliband eta SNP alderdia boterera heldu eta gure ekonomia suntsitzea saihestu nahi baduzu, gobernu sendo eta egonkor bat nahi baduzu, gure plan ekonomikoa garatzeko aukera eman nahi badiguzu, bozkatu Alderdi Kontserbadorearen alde", esan du Cameronek sare sozialean eskegitako bideoan.
Antzeko mezua eman du Ed Milibandek ere:
"Langileen alde borroka egingo duen eta osasun sistema eta zure familia lehenetsiko duen gobernu laborista baten alde bozkatzeko eguna duzu gaurkoa ", adierazi du.
SNPk gobernagarritasunaren giltza izan dezake
Inkesten arabera, kontserbadoreek Komunen Ganberan eserleku gutxi batzuk gehiago eskuratuko lituzkete Erresuma Batuko hauteskunde-sistema bereziari esker; izan ere, herrialdeko barruti bakoitzak (650) diputatu bakarra aukeratzen du eta gainerakoak baztertzen ditu. Nahiz eta eserlekuetan abantaila txikia izan, Cameronek ez luke Gobernua osatzeko lehentasunik lortuko. Horrela, Milibandek Eskoziako Alderdi Abertzalearengana (SNP) hurbiltzeko aukera izango luke; izan ere, SNPk ordezkaritza garrantzitsua lortuko du Westminsterren eta gobernagarritasunaren giltza izan dezake, inkesten arabera.
David Cameron Erresuma Batuko lehen ministroa kanpainan. Argazkia: EFE
Irailean independentziaren inguruko erreferenduma egin eta hilabete gutxi batzuk geroago, SNPk laboristei ordezkari gehienak kentzeko helburua du. Eskoziak Westminsterreko 59 diputatu aukeratzen ditu hauteskunde orokorretan.
Liberaldemokraten porrota
Liberaldemokratek Cameronekin Gobernua osatu dute legealdi honetan eta ordezkarien erdia baino gehiago galduko dituztela diote inkestek (57tik 27ra). Hala eta guztiz ere, hauteskundeen ondoren bere alderdiak paper garrantzitsua izango duela ziurtatu du Nick Clegg buruzagiak.
Inkestek iragarri duten emaitza estuak gobernagarritasuna zailduko duela uste dute Erresuma Batuko aditu politiko gehienek.
itiko gehienek.Albiste gehiago mundua
68 dira dagoeneko Texasko uholdeetan hildakoak, tartean 21 haur, eta dozenaka daude desagertuta
Guadalupe ibaiaren ur-goraldiak kanpamendua suntsitu zien hogeitik gora neskatoren bila jarraitzen dute. Estatuko meteorologia zerbitzuak datozen orduetan euri jasa gehiago izango direla ohartarazi du, eta baliteke gainezka egitea.
Irango buruzagi gorena berriro agertu da jendaurrean, Israelekin gerra hasi zenetik lehen aldiz
Ali Khamenei islamaren adar xiitako fededunen ospakizun baten bezperan agertu da, Teheranen.
Dalai-lamak 90 urte bete ditu, bere ondorengoa aukeratzeko prozesua abiatuta
Aukeratze prozesu hori ilusioz bizi dute gurean bizi diren budistek ere. Prozesua mistikoa da, luze jo dezake, eta dalai-lama berria izan daitekeen haurrari, besteak beste, objektuen proba egiten zaio.
Israelentzat “onartezinak” dira Hamasek su-etenari egin nahi dizkion aldaketak, baina negoziatzen jarraituko du
Laguntza humanitarioa berriro Nazio Batuen Erakundeak kudeatzea da talde islamistak egindako eskakizunetako bat.
27 neskato-begiralek osatutako talde bat desagertuta dago oraindik, Texasen izandako uholde larrien ondorioz
Dagoeneko 52 lagun hil dira Texasko erdialde-hegoaldea astindu duten uholde larriengatik. Ehunka pertsona erreskatatu dituzte kanpalekuetan, baina Hunt herrian, Guadalupe ibaiaren ondoan kanpatuta zegoen eskola-talde bat aurkitu ezinda dabiltza.
Dalai-lamak, Tibeteko budisten buruzagi espiritualak, 90 urte bete ditu
Munduko buruzagi erlijioso garrantzitsuenetakoak ekitaldi jendetsua egin du bere etxebizitzan, Indiako iparraldean, lagun ugariz inguratuta, tartean Richard Gere aktorea. 14. dalai-lamak 130 urte baino gehiago bizitzeko itxaropena du, eta Txinako inposaketei aurre egiten jarraituko duela hitzeman du.
Muskek America Party sortu du, AEBri "askatasuna itzultzeko" alderdi politikoa
“Batzuentzat alderdi bakarrekoa” den “bi alderdiko sistema” deuseztatzea da horren helburua, eta “lege liskartsuen aurrean boto erabakigarria” izan nahi du.
Miguel Uribe senatariaren aurkako atentatuaren ustezko egile intelektuala atxilotu dute
"Hilketa saiakera, armak legez kanpo eramatea eta delituak egiteko adingabeak erabiltzea" egotzita atxilotu dute atentatuaren ustezko egile intelektuala.
Paristarrak eta turistak Sena ibaian bainatzen hasi dira berriro
Mende bat geroago, paristarrak eta turistak Sena ibaian bainatzen hasi dira, berriro, Eiffel dorretik gertu. Uztailaren 5a eta abuztuaren 31 bitartean izango da bertan bainatzeko aukera, eta hiru gune egokitu dituzte horretarako: hirigune historikoaren parean (udaletxe ondoan), mendebaldean Eiffel dorrera begira eta hego-ekialdean, Bercyn. Parisko Olinpiar Jokoak eta Paralinpiar Jokoak izan eta urtebetera heldu da albistea, duela urtebete, hainbat gorabeheraren ondorioz, uraren kalitatea zalantzan jarri ostean.
Uholdeek gutxienez 25 hildako eta dozenaka desagertu utzi dituzte Texasen
Guadalupe ibaiak gainez egin du, Texas erdigune-hegoaldean, eta 25 heriotzaz gain, ugari dira desagertutako pertsonak, neskentzako udaleko kristau batean parte hartzen ari ziren 23 adingabe tartean. Hondamendia handia da Bandera, Cope, Comal, Concho, Gillespie, Kendall, Kerr, Kimble, Llano, Mason, McCullouch, Menard, San Saba eta Tom Green eskualdeetan.