70 dira dagoeneko Texasko uholdeetan hildakoak, tartean 21 haur, eta dozenaka daude desagertuta
Uda Camp Mystic kanpamentu kristauan pasatzen ari ziren hamaika adingabe eta gazte oraindik desagertuta daude. Estatuko meteorologia zerbitzuak datozen orduetan euri jasa gehiago izango direla ohartarazi du, eta baliteke gainezka egitea.
Gutxienez 70 pertsona hil dira AEBko Texas estatuan Guadalupe ibaiak gainezka egin eta eragindako uholde handian. Kerr konderria izan da kolpatuena, bertan 59 baitira hildakoak, tartean, 21 haur. Texasko erdialdean eta hegoalden izan dira ur-goraldi handienak, Texas Hill Country izeneko eskualdean. Euriteek, bitartean, ez dute etenik.
Larry Leitha Kerr konderriko sheriffak eman du azken balantzea igande honetan, nahiz eta Dan Patrick estatuko gobernadore laguntzaileak ohartarazi duen ia ziurtzat jotzen duela biktimen kopuruak gora egingo duela datozen orduetan, batez ere ezin dutelako oraindik jakin desagertuen kopurua zenbatekoa den. Izan ere, ehunka turista zeuren kaltetutako herriak bisitatzen, uztailaren 4ko jaiaren aitzakian.
"Milaka pertsona etorriak ziren kanpadenda batekin, karabana batekin edo ibai ertzean alokatutako etxetxo batekin. Ez dakigu nortzuk diren", azaldu zion Patrickek NBC kateari. "Bisitari asko zeuden 20.000 biztanleko herri batean", gaineratu du, modu ezkorrean, desagertutako neskatoen egoerari buruz hitz egin aurretik.
"Nolabaiteko oreka mantendu behar da jendeak itxaropena izan dezan, baina ezin dugu egoera puztu. Iristen da une bat non ahalik eta zintzoen izan behar dugun. Inoiz ez dugu amore ematen desagertuak bilatzerakoan. Iraganean ere izan ditugu ekaitzak eta jendea bizirik agertu da ibaian behera 16 edo 24 kilometro jaitsi ostean. Baina egia da orduak luze egiten ari direla", azaldu du.
Bitartean, erreskate zerbitzuek bizirik egon daitezkeen pertsonak aurkitzeko lanekin jarraitzen dute igande honetan. Nim Kidd Larrialdien Kudeaketako buruak azaldu duenez, "ibai osoan ari gara bilaketan, goitik behera", eta lan horietan aireko langileak, ontziak eta lurreko ekipoak daude, baita bilaketa-txakurrak ere. "Bilaketa-prozesuari eutsiko diogu. Ez gara geldituko desagertutako guztiak aurkitu arte", baieztatu du kate berean jasotako adierazpenetan.
Dalton Rice Kerrville hiriko administratzaileak CNNri adierazi dionez, ehunka pertsona erreskatatzen aritu dira Guadalupe ibaiaren inguruan dauden beste 18 kanpamendutatik. Azaldu duenez, jendea asko zegoen haietan uztailaren 4a zela eta.
Euriak ez du arnasik emango
Estatuko meteorologia zerbitzuak (NWS) gaur goizean argitaratutako azken iragarpenen arabera, prezipitazio handiak espero dira oraindik eta ez da baztertzen datozen orduetan bat-bateko ur-goraldiak egotea, Texas mendebaldean eta erdialdean.
Zure interesekoa izan daiteke
5,9 graduko lurrikara batek Tokio astindu du
Richter eskalan 5,9 graduko indarra izan duen lurrikara batek Japoniako ekialdea astindu du igande goizaldean, bereziki Tokio eskualdea. 30 pertsona zauritu dira eta tren-zerbitzu batzuetan etenaldiak egin dituzte. Japoniako Meteorologia Agentziak (JMA) baztertu egin du tsunami arriskua.
Auzitegi federal batek baliogabetu egin du Trumpek 75 herrialderi bisak emateko jarritako debekua
Neurria urtarrilean sartu zen indarrean, AEBetako Gobernuaren arabera, etorkin horiek "Estatuarentzat karga bat bihurtzeko arriskua" zegoelako.
Errusiaren eta Ukrainaren arteko erasoek jarraitzen dute, gatazka hasi zenetik lau urte eta erdi igaro direnean
Hogei pertsona baino gehiago hil dira azken orduetan bi herrialdeetan droneak eta jaurtigaiak erabiliz egindako erasoetan.
Zer dago Ukrainaren gerra-estrategia aldaketaren atzean? Eskala handiko erasoak, herritarrengan eragiteko
Hilabeteak dira Ukrainan gerra fronteak aurrerapen handirik gabe diharduela. Horren ordez, maizagoak dira aire bidezko erasoak Errrusiako azpiegitura garrantzitsuen kontra. Olga Tarnovska Kieven bizi den analistarekin eta Albert Sort Moskun bizi den kazetariarekin aztertu du gaia ETBk.
AEBk eta Kanadak ez dute merkataritza-akordiorik lortu, eta % 50eko muga-zergak mantenduko dira
Ameriketako Estatu Batuetako Gobernuak Kanadako ibilgailuen gaineko muga-zergak % 15era eta altzairu eta aluminioarenak % 25era murriztea onartu bazuen ere, larunbat honetan % 50eko kargak sartu dira indarrean.
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.