Muskek America Party sortu du, AEBri "askatasuna itzultzeko" alderdi politikoa
“Batzuentzat alderdi bakarrekoa” den “bi alderdiko sistema” deuseztatzea da horren helburua, eta “lege liskartsuen aurrean boto erabakigarria” izan nahi du.
Elon Musk enpresariak iragarri du America Party izeneko alderdi politikoa sortu duela AEBri “askatasuna itzultzeko”. Donald Trump presidentearen aurrekontu eta zerga lege berriaren onarpena behin eta berriz kritikatu ostean eman du horren berri.
“Alderdi politiko berri bat nahi duzue, eta eduki beharko zenukete. Gure herrialdea diru xahutzearekin eta ustelkeriarekin porrot ekonomikora eraman duen alderdi bakarreko sistema batean bizi gara, ez demokrazia batean. Gaur America Party sortu da askatasuna itzultzeko”, adierazi du X sare sozialean.
Muskek inkesta bat egin zuen bezperan sare sozial horretan bertan, eta jarraitzaileei galdetu zien “batzuentzat alderdi bakarrekoa” den “alderdi biko sistemarekiko independentzia” nahi zuten, eta 1,2 milioi erabiltzaileren botoa jasota, horien % 65k baiezkoa eman zuten.
Tesla eta SpaceX konpainien jabeak azpimarratu duenez, egungo alderdi biko sisteman eragina izateko modu bat “Senatuan bizpahiru eserleku eta Ordezkarien Ganberan 8-10 barruti eskuratzea” izango litzateke.
“Sistema legegilean dauden tarteak hain finak izanda, nahikoa izango litzateke lege liskartsuetan boto erabakigarria edukitzeko, eta herritarren benetako nahia islatzeko”, adierazi du Trumpen kanpainarako 300 milioi dolar eman zituen enpresariak.
Muskek Etxe Zuriaren eraginkortasun ardurari uko egitea erabaki zuen maiatzaren amaieran, Trumpek onartu berri duen aurrekontu eta zerga “lege handi eta ederra” dela eta.
Trumpek, berriz, Muski erantzun dio Hegoafrikara, bere jaioterrira, itzuli beharko litzatekeela AEBko Gobernuaren diru-laguntzarik jasoko ez balu.
Zure interesekoa izan daiteke
5,9 graduko lurrikara batek Tokio astindu du
Richter eskalan 5,9 graduko indarra izan duen lurrikara batek Japoniako ekialdea astindu du igande goizaldean, bereziki Tokio eskualdea. 30 pertsona zauritu dira eta tren-zerbitzu batzuetan etenaldiak egin dituzte. Japoniako Meteorologia Agentziak (JMA) baztertu egin du tsunami arriskua.
Auzitegi federal batek baliogabetu egin du Trumpek 75 herrialderi bisak emateko jarritako debekua
Neurria urtarrilean sartu zen indarrean, AEBetako Gobernuaren arabera, etorkin horiek "Estatuarentzat karga bat bihurtzeko arriskua" zegoelako.
Errusiaren eta Ukrainaren arteko erasoek jarraitzen dute, gatazka hasi zenetik lau urte eta erdi igaro direnean
Hogei pertsona baino gehiago hil dira azken orduetan bi herrialdeetan droneak eta jaurtigaiak erabiliz egindako erasoetan.
Zer dago Ukrainaren gerra-estrategia aldaketaren atzean? Eskala handiko erasoak, herritarrengan eragiteko
Hilabeteak dira Ukrainan gerra fronteak aurrerapen handirik gabe diharduela. Horren ordez, maizagoak dira aire bidezko erasoak Errrusiako azpiegitura garrantzitsuen kontra. Olga Tarnovska Kieven bizi den analistarekin eta Albert Sort Moskun bizi den kazetariarekin aztertu du gaia ETBk.
AEBk eta Kanadak ez dute merkataritza-akordiorik lortu, eta % 50eko muga-zergak mantenduko dira
Ameriketako Estatu Batuetako Gobernuak Kanadako ibilgailuen gaineko muga-zergak % 15era eta altzairu eta aluminioarenak % 25era murriztea onartu bazuen ere, larunbat honetan % 50eko kargak sartu dira indarrean.
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.