Estatu Islamikoaren aurkako Iraken bide orria babestu dute aliatuek
Estatu Islamikoaren aurkako koalizioa osatzen duten mendebaldeko estatuek eta herrialde arabiarrek Irakeko Gobernuaren bide orria babestu dute, jihadistek bereganatutako lurraldea berreskuratzeko. Hala ere, Haider al Abadi Irakeko lehen ministroak esfortzu handiagoa eskatu du.
20 bat ministro Al Abadirekin bildu dira Parisen, astearte honetan. Terroristen kontrako borrokan gutxiengo suniak bat-egitea eskatu diote ministroek Abadiri, gatazka sektarioa areagotzea saihesteko.
Al Abadi xiita moderatua da. Milizia xiita boteretsuak kontrolatzeko gai dela demostratzen baldin badu bakarrik, tribu suniak Estatu Islamikoaren aurka borroka egiteko konbentzituko ditu.
"Munduaren porrot bat da"
Erlijioen arteko hurbilketa bat lortzeko konpromisoa hartu du gobernuburuak, baina Estatu Islamikoari aurre egiteko orduan nazioarteko koalizioa nahikoa egiten ari ez dela aurpegiratu du. Jihadistek Iraken heren bat kontrolpean dute. Al Abadiren hitzetan, “munduaren porrot bat da”. Zentzu horretan, Inteligentziaren informazio eta armamentu gehiago eskatu du Irakeko buruzagiak.
Agindutakoaren “ia ezer” jaso ez dutela deitoratu du Irakeko lehen ministroak. Irani eta Errusiari armak erosteko NBEko baimenaren zain daudela gaineratu du Al Abadik. “Aireko kanpaina baliagarria da, baina ez nahikoa”, zehaztu du.
Irakeko Gobernuak azken urtebeteko porrot militarrik handiena jaso eta gero Pariseko bilera egin dute. Estatu Islamikoak Ramadi bereganatu zuen maiatzaren 17an.
Zure interesekoa izan daiteke
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira eta gutxienez 20 kutsatu dira.
Petrolio-upelaren prezioa 113 dolarrera igo da eta gasa % 30 garestitu, Qatarreko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako Burtsek behera egin dute gogor, eta Europakoek, berriz, irekiera negatiboak espero dituzte, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek partekatzen duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, egoera are gehiago zailduko dutenak eta mundu guztiari eragin diezaioketenak.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".