Greziaren proposamen berria oinarri sendoa dela uste du Eurotaldeak
Erreskateari blokeoa kentzeko Greziarekin akordioa ixterik ez dute izan gaur ere Euroguneko Ekonomia ministroek, baina Atenasek aurkeztutako proposamen berriak aurrera egiteko ?oinarri sendoa? direla uste dute. Ministroak aste honetan bilduko dira berriro, ostegunean seguruenik, behin betiko konponbidearen bila.
Donald Tusk Europako Batzordearen presidenteak iragarri duenez, Ekonomia ministroak asteazkenean bilduko dira Greziaren aurrerapausoak aztertzeko.
?Greziaren proposamenak datozen orduetan aztertuko dituzte, azkar asteazkeneko Eurotaldean?, adierazi du Tuskek Euroguneko buruzagien goi-bilera amaitu eta gero.
Jean-Claude Juncker Europako Batzordeko presidentearen hitzetan, ?Atenasen proposamenak atzerapenarekin heldu dira, baina pauso garrantzitsu bat dira. Asteazkenean Eurotaldeak emaitzak lortzea espero dut, eta ostegunean Europako Kontseiluan aurkeztzea?.
Hartzekodunekin akordio batera heltzeko itxaropena zabaldu da, eta Atenasko Burtsak % 9 egin du gora. Erreskatearen 7.200 milioi euroko azken tarteari blokeoa kentzeko erreforma egitasmo bat adostu behar dute bi aldeek.
Jeroen Dijsselbloem Eurotaldeko presidentearen hitzetan, azken bilerak ordubete eskas iraun du eta Greziaren planak oso berandu heldu dira, eta, hori dela eta, troikak (Europako Batzordea, Europako Banku Zentrala eta Nazioarteko Diru Funtsa) ez du zehatz aztertzeko denborarik izan.
?Erakundeen (troika) iritzi orokorra da proposamenak zabalak eta osoak direla, baina xehetasunak aztertu behar dituzte, kontuek koadratzen duten ikusteko?, azaldu du Dijsselbloemek bilera amaitu eta gero.
"Lanerako oinarri ona da?
?Lanerako oinarri ona da, baina lana egiteko dago oraindik, proposamenak osatzeko, zehazteko eta koherentzia egiaztatzeko?, adierazi du Pierre Moskovici Ekonomia Gaietarako komisarioak. ?Akordio bat bilatzen ari gara, baina oraindik ez dago akordiorik?, esan du.
Pentsioen erreforman aurrerapauso bat eman du Atenasek proposamen berriekin, baina BEZaren planak labur geratu dira, EBko iturrien arabera.
EBko estatuburuek eta gobernuburuek ekainaren 24an eta 25ean egingo dute udako ohiko goi-bilera.
Greziako eta EBko banderak manifestazioan, Syntagma plazan. Argazkia: EFE
Euroan jarraitzeko akordio bat eskatu dute milaka greziarrek
Bestalde, milaka pertsonak manifestazioa egin dute, Atenasen. Hartzekodunekin akordio batera heltzeko eskatu diote manifestariek Gobernuari, Eurogunean jarraitu ahal izateko.
Syntagma plazan, Parlamentuaren aurrean, ia 7.000 pertsona bildu dira, Poliziaren arabera. Manifestazioa Facebooken bidez deitu dute, ?Europan bizi gara? lelopean.
Manifestarien artean Konstantinos Mitsokatis lehen ministro ohia izan da, eta baita Demokrazia Berria alderdi kontserbadoreko beste kide batzuk ere. Greziako eta Europar Batasuneko banderak eraman dituzte parte-hartzaileek. Mitsokatis txalo artean hartu dute.
Albiste gehiago mundua
Netanyahuren aurkako protesta jendetsua Tel Aviven
Milaka pertsona kalera atera dira Israelgo Gobernuari presioa egiteko eta bahituak askatzea ekarriko duen Gazarako su-eten akordioa sinatzea eskatzeko. Egunean zehar, Israelgo hainbat hiritan martxak egin dituzte eta herrialdeko errepide garrantzitsuenetako batzuk blokeatu dituzte. Orain arte izandako mobilizaziorik jendetsuenak izan dira gaurkoak.
Hiru hildako eta 10 zauritu inguru utzi ditu Kajiki tifoiak Vietnamen
Kajiki tifoia "oso indartsu eta arriskutsutzat" jo dute Vietnamgo agintariek. Nghe An eta Ha Tinh probintzien artean jo du lurra, 90 eta 117 km/h arteko haizeekin eta 150 km/h-ko ufadekin.
Hondar-ekaitz ikusgarri batek Arizonako Phoenix hiria estali du
Ekaitzarekin batera, tximista ugari eta 110 km/h-tik gorako haize-boladak izan dira. AEBtako aireportu garrantzitsuenetakoa den Sky Harbor Nazioarteko Aireportuan hainbat hegaldi bertan behera utzi behar izan dituzte.
Mikel Ayestaran: "Ez dago itxaropen handirik bahituak askatzeko negoziazioen inguruan"
Israelgo Segurtasun Kontseiluaren gaurko bileran bi gai nagusi izango dituzte mahai gainean: Gazako hiriaren inbasioa eta bahituak askatzeko negoziazioak. Nahiz eta Hamasek bitartekarien azken proposamena onartu, Netanyahuk baldintzak aldatu ditu eta bahitu guztiak batera askatzea eta Hamas armagabetzea eskatzen ditu. Familiek badakite euren azken aukera dela, eta hainbat protesta deitu dituzte gaurko.
Sozialistek ez dute Bayrouren konfiantza mozioa babestuko, eta Frantziako Gobernuaren etorkizuna kolokan jarri dute
Aurrerakoiak eta ultraeskuindarrak irailaren 8an ados jarriz gero, Exekutiboak dimisioa aurkeztu beharko du.
Helikoptero bat urmael batean erori da Frantzian, sute bat itzaltzeko ura hartzen ari zenean
Istripua Rosporden herrian gertatu da, Frantziako Finistere departamentuan, sute bat itzaltzeko lanetan ari zen helikoptero bat ura kargatzera joan denean. Maniobra egiten ari zela biraka hasi da eta azkenean uretara erori da. Zorionez, bi bidaiariak onik atera dira.
Gazan kazetarien hilketengatik justizia eskatu du NBEk
Gutxienez 245 kazetari palestinar hil dituzte Gazan 2023ko urriaren 7an gerra hasi zenetik, bertako Gobernuaren arabera.
Bayrouren hordagoa: bere Gobernua erorarazi lezakeen konfiantza mozioa egin du
Urte politikoaren hasiera malkartsu dator Frantziako Estatuan, bereziki aurrekontuak direla eta. François Bayrou lehen ministroak 40.000 milioi euroko murrizketak iragarri zituen 2026ko kontuetarako, eta hautsak harrotu zituen. Gauzak horrela, gaur jakinarazi du konfiantza mozioa egingo duela Asanblea Nazionalean, irailaren 8an.
Londresko Notting Hill auzoa musikaz eta kolorez bete da, urtero lez, inauteria ospatzeko
Musika afrokaribarra eta kolore askotako karrozak protagonistak izan dira gaur Londresko Notting Hill auzoan. Erresuma Batuan jai-eguna da gaur, eta milaka pertsona hurbildu dira inauteriez gozatzeko.
Mikel Ayestaran: “Gosete-larrialdia deklaratzeak ez du egoera lasaitu, tankeak eta hegazkinak etengabe ari dira lanean”
EITBk Ekialde Hurbilean duen berriemaleak kontatu duenez, Israelek Gaza osoa bereganatzeko asmoekin jarraitzen du. Gaza hiriburutik kanporatu nahi dituen herritarrak hegoaldera bidali nahi ditu, Nasser ospitalea dagoen ingurura. Alabaina, inguru horretan erasoek ez dute etenik. Gaur, abuztuak 25, 20 lagun hil ditu, tartean, 5 kazetari.