Varoufakisek dimisioa eman du
Yanis Varoufakis Greziako Finantza ministroak dimisioa eman du, Exekutiboak eta nazioarteko hartzekodunek akordioa lortzea errazteko, bere blog pertsonalean iragarri duenez.
"Erreferendumaren emaitzak jakinarazi eta gutxira, esan zidaten Eurotaldeko hainbat kidek ni negoziazioetatik kanpo geratzea nahi dutela, eta [Alexis Tsipras] lehen ministroak uste du ideia hori erabilgarria izan daitekeela. Horregatik, Finantza Ministerioa utzi dut", azaldu du.
Dena dela, "eskubide demokratikoen aldeko borroka guztiekin gertatu bezala, ezetzak kostu handia" ekarriko duela ohartarazi du. "Horregatik, ezinbestekoa da gure Gobernuari emandako kapital handia akordio bat lortzeko bideratzea, zorra berregituratzeko, austeritate gutxiago izateko, behartsuenei laguntzeko eta benetako erreformak egiteko".
"Nire zeregina Tsiprasi laguntzea da, greziarrek emandako kapitala ustiatzeko; harro jasango dut nazioarteko hartzekodunen gorrotoa", gaineratu du.
Nabarmendu duenez, "ezkertiarrok badakigu nola jokatu elkarrekin; babes osoa emango diet lehen ministroari, hurrengo Finantza ministroari eta gure Gobernuari".
Varoufakisen dimisioa ez da igandeko erreferendumak eragindako lehena. Izan ere, Antonis Samaras lehen ministro ohi eta Demokrazia Berria oposizioko alderdi kontserbadorearen buruak ere utzi du kargua, baina beste arrazoi bat tarteko: baietzaren aldeko kanpaina egin zuen, eta ezetzak aise irabazi du.
Tsakalotos, ordezko
Euclidis Tsakalotosek, hartzekodunekin negoziatzeko taldearen koordinatzaile eta Atzerri ministro ordeak, hartuko du Varufakisen Finantza ministro kargua, Errepublikako Presidentziak jakitera eman duenez.
Tsakalotosek 19:00etan egingo du karguaren zina. Bruselasekin abiatutako negoziazioak zuzentzen ari zen apiriletik, Tsiprasek Varufakis lehen lerrotik kendu zuenetik.
Albiste gehiago mundua
Miguel Uribe senatariaren aurkako atentatuaren ustezko egile intelektuala atxilotu dute
"Hilketa saiakera, armak legez kanpo eramatea eta delituak egiteko adingabeak erabiltzea" egotzita atxilotu dute atentatuaren ustezko egile intelektuala.
Paristarrak eta turistak Sena ibaian bainatzen hasi dira berriro
Mende bat geroago, paristarrak eta turistak Sena ibaian bainatzen hasi dira, berriro, Eiffel dorretik gertu. Uztailaren 5a eta abuztuaren 31 bitartean izango da bertan bainatzeko aukera, eta hiru gune egokitu dituzte horretarako: hirigune historikoaren parean (udaletxe ondoan), mendebaldean Eiffel dorrera begira eta hego-ekialdean, Bercyn. Parisko Olinpiar Jokoak eta Paralinpiar Jokoak izan eta urtebetera heldu da albistea, duela urtebete, hainbat gorabeheraren ondorioz, uraren kalitatea zalantzan jarri ostean.
Uholdeek gutxienez 25 hildako eta dozenaka desagertu utzi dituzte Texasen
Guadalupe ibaiak gainez egin du, Texas erdigune-hegoaldean, eta 25 heriotzaz gain, ugari dira desagertutako pertsonak, neskentzako udaleko kristau batean parte hartzen ari ziren 23 adingabe tartean. Hondamendia handia da Bandera, Cope, Comal, Concho, Gillespie, Kendall, Kerr, Kimble, Llano, Mason, McCullouch, Menard, San Saba eta Tom Green eskualdeetan.
Hamasek erantzun "positiboa" eman dio AEBren Gazarako su-eten proposamenari
"Hamasen erantzuna positiboa da, eta uste dut lagungarria izan beharko litzatekeela akordio batera iristeko", adierazi du Reutersek aipatutako ofizial palestinar batek. Donald Trumpen proposamenak 60 eguneko su-etena planteatzen du, 21 hilabetean Israelek 57.200 palestinar hil ostean.
Ukrainaren aireko gaitasunak indartzeko akordioa itxi du Zelenskik Trumpekin, AEBk Patriot misilen bidalketa bertan behera utzi ostean
"Elkarrekin lan egingo dugu gure zeruaren babesa indartzeko", esan du Ukrainako presidenteak AEBkoarekin telefonoz hitz egin ostean.
45 pertsona zauritu dira, horietako bi larri, Erromako gasolindegi batean izandako leherketan
Eztanda Casilino inguruan izan da, zisterna-kamioi batetik petrolio-gas likidotua deskargatzen ari zirenean. Italiako agintariek zehaztu dutenez, zaurituak 24 zibil, hamaika polizia, sei suhiltzaile, larrialdietako hiru langile eta karabinero bat dira.
Ipar Koreak Wonsan hiriko gune turistiko erraldoia inauguratu du
Kim Jong-un liderrak Asiako herrialde hermetikoan turismoa sustatzeko hainbat urtez bultzatutako funtsezko proiektua da. Uztailaren 1ean ateak ireki zituen gune turistikoak 20.000 bisitari hartzeko gaitasuna du.
Hamasek gaur erantzungo dio Gazarako su-eten proposamenari
Erresistentzia Islamikorako Mugimendua "pozik" agertu da Gazarako azken su-eten proposamenarekin, besteak beste, negoziazioek irauten duten bitartean borrokara ez itzultzeko "bermeak" jasotzen dituelakoan.
AEBko kongresuak Trumpen zerga-plan "handi eta ederra" onartu du
Zerga-plan berriak azken urteetako zerga-murrizketarik handienetakoa egingo du AEBn. Gizarte-programetan murrizketa handiak aurreikusten ditu, eta defizit federala nabarmen handituko da hurrengo hamarkadan.
Iranek IAEAren ikuskapenak eragotziko ditu, Israelek eta AEBk bere instalazio nuklearren aurka egindako erasoen ostean
Erabakia Teheranek NBEren agentziari Israelek eta AEBek bere instalazio atomiko nagusien aurka egindako erasoak "bultzatu" izana egotzi ostean etorri da. Adituen arabera, neurria eraso israeldarrek eta estatubatuarrek utzitako ondorio garrantzitsuena da.