Tsiprasen plana aztertuko du Greziako Parlamentuak
Greziako Parlamentuak larunbat honetan onartuko du Alexis Tsiprasen Gobernuak Europako erakundeei helarazi dien azken proposamena. Larrialdizko prozedura bidez onartuko dute proposamena, eta hartzekodunekin negoziatzeko baimena ematea du helburu.
Bozketa 02:00etan hasiko da, Skai Greziako telebistak jakitera eman duenez. Ezkerreko Plataformak (Syriza), Independente Greziarrek eta To Potamik proposamenaren aldeko botoa emango dute.
Europak Atenasek aurkeztutako proposamena aztertuko du eta Eurotaldeko Finantza ministroei txostena aurkeztuko die larunbatean. Onartuz gero, Grezia ardatz duen goi-bilera egingo lukete igandean Euroguneko agintariek.
Alexis Tsiprasen Gobernuak ostegun gauean aurkeztu zien hartzekodunei hirugarren erreskatea lortzeko proposamena. Jeroen Dijsselbloem Eurotaldeko presidenteak jaso zuen lehenik txostena. Ondoren heldu zen proposamena gainerako erakundeetara.
Syriza talde parlamentarioa
Parlamentuko saioa hasi baino lehen, Alexis Tsipras Syirizako talde parlamentarioarekin bildu da proposatutako erreformak azaltzeko. Bileran, lehen ministroak taldekideei adierazi dienez, igandean izandako erreferendumaren agindua nazioarteko hartzekodunekin negoziatzerena da, ez eurotik ateratzearena.
Tsiprasek, gainera, taldekideei babesa eskatu die aurkeztutako erreforma sorta aurrera atera ahal izateko.
Argazkia: EFE
Milaka lagunek manifestazioa egin dute gaur Atenaseko erdialdean, murrizketen aurka protesta egiteko.
Elkarretaratzean PAME sindikatuko 8.000-9.000 kide bildu dira. Gainera, Antarsya ezkerreko alderdiaren 1.000 jarraitzailek parte hartu dute protestan, Poliziaren arabera.
Manifestazioa Greziako erdialdean. Argazkia: EFE
Bilera larunbatean
Eurotaldea larunbatean bilduko da, arratsaldeko hiruetan, Europar Batzordeak Greziako zorraren inguruan prestatutako txostena aztertzeko. Herrialdeak dituen finantza-beharrak ere aztertuko dituzte.
Greziak hirugarren erreskate baterako baldintzak betetzen dituela erabakitzen badu Eurotaldeak, Europar Batasuneko agintariek goi-bilera egingo dute igandean. Akordiorik ezean, beste ?bide? batzuk bilatu beharko dituzte.
Zure interesekoa izan daiteke
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".