Varoufakisek banku-sistema paralelo bat zeukan prest
Greziako Kathimerini egunkariak argitara eman duenez, Yanis Varoufakis Greziako Finantza ministro ohiak paraleloan funtzionatuko zuten ordainketa-sistema bat zein banku-sistema bat zituen prestatuta. Bi sistema horien oinarrian norbanakoen eta enpresen Identifikazio Fiskaleko Zenbakia legoke, eurotik drakmarako aldaketa automatikoki egitea ahalbidetuko zukeena, baldin eta troikak banketxeak ixtea behartuz gero (azkenerako horrela izan zen).
Argitalpen horren arabera, Varoufakisek abenduan (SYRIZAk hauteskundeak irabazi baino hilabete arinago) eskuratu zuen Alexis Tsipras Greziako lehen ministro bihurtuko zenaren oniritzia ordainketa-sistema berri bat zehazteko. Sistema horrek eurotan funtzionatuko zuen, baina, aldi berean, "goizetik gauera" drakmara (Greziako aurretiko moneta) aldatzeko gaitasuna izango zuen, beharrezkoa izatekotan.
Horretarako, oraindik ministro ez zela, lantalde txiki batekin hasi zen plana prestatzen. Plan hori martxan jartzeko, 1.000 langilek esku hartzea behar izango zukeen, baina azkenean ez zuen Tsiprasen adostasuna jaso.
Planak zergadunen eta enpresen IFZ zenbakiaz jabetzea aurreikusten zuen, Diru-sarrera Publikoen Idazkaritza Nagusiaren webgunea pirateatuta. Erakunde hori troikaren kontrolpean dago.
"IFZ zenbaki bakoitzarekin lotuta erreserba-kontuak sortu nahi genituen sekretupean, inori esan gabe, sistema funtzional bat izateko, besterik ez. Botoi bati emanez, identifikazio-zenbakiak esleitu ahal izango genieke IFZ zenbakien jabeei, zergadunei", adierazi zuen Varoufakisek aipatutako egunkariaren esanetan.
Albiste gehiago mundua
Muskek America Party sortu du, AEBei "askatasuna itzultzeko" alderdi politikoa
“Batzuentzat alderdi bakarrekoa” den “bi alderdiko sistema” deuseztatzea da bere helburua, eta “lege liskartsuetan boto erabakigarria” izan.
Miguel Uribe senatariaren aurkako atentatuaren ustezko egile intelektuala atxilotu dute
"Hilketa saiakera, armak legez kanpo eramatea eta delituak egiteko adingabeak erabiltzea" egotzita atxilotu dute atentatuaren ustezko egile intelektuala.
Paristarrak eta turistak Sena ibaian bainatzen hasi dira berriro
Mende bat geroago, paristarrak eta turistak Sena ibaian bainatzen hasi dira, berriro, Eiffel dorretik gertu. Uztailaren 5a eta abuztuaren 31 bitartean izango da bertan bainatzeko aukera, eta hiru gune egokitu dituzte horretarako: hirigune historikoaren parean (udaletxe ondoan), mendebaldean Eiffel dorrera begira eta hego-ekialdean, Bercyn. Parisko Olinpiar Jokoak eta Paralinpiar Jokoak izan eta urtebetera heldu da albistea, duela urtebete, hainbat gorabeheraren ondorioz, uraren kalitatea zalantzan jarri ostean.
Uholdeek gutxienez 25 hildako eta dozenaka desagertu utzi dituzte Texasen
Guadalupe ibaiak gainez egin du, Texas erdigune-hegoaldean, eta 25 heriotzaz gain, ugari dira desagertutako pertsonak, neskentzako udaleko kristau batean parte hartzen ari ziren 23 adingabe tartean. Hondamendia handia da Bandera, Cope, Comal, Concho, Gillespie, Kendall, Kerr, Kimble, Llano, Mason, McCullouch, Menard, San Saba eta Tom Green eskualdeetan.
Hamasek erantzun "positiboa" eman dio AEBren Gazarako su-eten proposamenari
"Hamasen erantzuna positiboa da, eta uste dut lagungarria izan beharko litzatekeela akordio batera iristeko", adierazi du Reutersek aipatutako ofizial palestinar batek. Donald Trumpen proposamenak 60 eguneko su-etena planteatzen du, 21 hilabetean Israelek 57.200 palestinar hil ostean.
Ukrainaren aireko gaitasunak indartzeko akordioa itxi du Zelenskik Trumpekin, AEBk Patriot misilen bidalketa bertan behera utzi ostean
"Elkarrekin lan egingo dugu gure zeruaren babesa indartzeko", esan du Ukrainako presidenteak AEBkoarekin telefonoz hitz egin ostean.
45 pertsona zauritu dira, horietako bi larri, Erromako gasolindegi batean izandako leherketan
Eztanda Casilino inguruan izan da, zisterna-kamioi batetik petrolio-gas likidotua deskargatzen ari zirenean. Italiako agintariek zehaztu dutenez, zaurituak 24 zibil, hamaika polizia, sei suhiltzaile, larrialdietako hiru langile eta karabinero bat dira.
Ipar Koreak Wonsan hiriko gune turistiko erraldoia inauguratu du
Kim Jong-un liderrak Asiako herrialde hermetikoan turismoa sustatzeko hainbat urtez bultzatutako funtsezko proiektua da. Uztailaren 1ean ateak ireki zituen gune turistikoak 20.000 bisitari hartzeko gaitasuna du.
Hamasek gaur erantzungo dio Gazarako su-eten proposamenari
Erresistentzia Islamikorako Mugimendua "pozik" agertu da Gazarako azken su-eten proposamenarekin, besteak beste, negoziazioek irauten duten bitartean borrokara ez itzultzeko "bermeak" jasotzen dituelakoan.
AEBko kongresuak Trumpen zerga-plan "handi eta ederra" onartu du
Zerga-plan berriak azken urteetako zerga-murrizketarik handienetakoa egingo du AEBn. Gizarte-programetan murrizketa handiak aurreikusten ditu, eta defizit federala nabarmen handituko da hurrengo hamarkadan.