71 errefuxiatu hil dira Austrian, kamioi batean itota
71 errefuxiatu hilik aurkitu dituzte Austrian, garraio-kamioi baten barruan, Austriako Gobernuak baieztatu duenez. Gorpuak deskonposatze-egoera nabarmenean zeuden. Hiru lagun atxilotu dituzte Hungarian auzi honekin lotuta, Austriako gobernuak jakitera eman duenez.
Kamioia A4 autobideko albo batean aurkitu dute, aparkatuta, Neusiedl lakuaren eta Parndorf herriaren artean (Hungariako mugatik gertu). Hans Peter Doskozil Burgenland estatu federatuko Poliziaren zuzendariak jakinarazi duenez, 71 pertsona hil dira; tartean, 59 gizonezko, 8 emakume eta 4 adingabe.
Bizirik geratu diren hainbat lagunek (tartean hamar adingabe daude, kamioitik irtetea lortu dutenak) esan dute "ia airerik ez" zutela arnasa hartzeko barnean. Nahiz eta gidariari gelditzeko eskatu, horrek ez zien kasurik egin, eta atsedenik hartu gabe Serbiako mugatik Austriaraino gidatzen jarraitu zuen. Horrek esan nahi du Hungaria ere zutela gurutzatua, bidaian zehar.
Hiru pertsona atxilotu dituzte Hungarian
Poliziak hiru pertsona atxilotu ditu Hungarian kasuarekin lotura izan dezaketelakoan, Austriako agintariek berri eman dutenez.
Atxilotuetako bi bulgarriarrak dira eta hirugarrena, berriz, hungariarra. Hala azaldu du Hans Peter Doskozil Poliziaren zuzendariak kazetarien aurrean eskainitako prentsaurrekoan.
Baliteke Austrian sartu baino lehen hil izana
"Kontuan hartu behar da kanpotik ere, kamioiko atzealdetik, deskonposatze-likidoa irteten zela. Begiratu batean, ez zen posible izan kalkulatzea zenbat gorpu zeuden", esan du Poliziako zuzendariak.
Egiaztatuta dago, dena den, kamioia Budapestetik gertu ikusi zutela asteazkenean (Hungariako matrikula zuen). Gainera, adierazi dutenez, baliteke errefuxiatuak Austrian sartu baino lehen hil izana.
Ikerketen arabera, biktimak gorpuak atzeman baino 36-48 ordu lehenago hil ziren.
Polizia ibilgailuaren gidariaren bila dabil; oraingoz, ez dago arrastorik. Kamioiak agenteen atentzioa eman zuen; izan ere, hainbat ordu zituen emanda autobidearen bazterbidean.
Zure interesekoa izan daiteke
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.
Libano hegoaldean "substantzia kimiko ezezagun bat" botatzea leporatu dio UNFILek Israeli
Nazio Batuen Libanoko Bitarteko Indarrak adierazi du kezkatuta dagoela kimiko horiek osasunerako kaltegarriak izan daitezkeelako, baita nekazaritza-lurretan eta zibilak beren etxeetara itzultzeko izan dezaketen eraginagatik ere.