Hungariak dio errefuxiatuena ez dela EBren arazoa, Alemaniarena baizik
Viktor Orban Hungariako lehen ministroak esan du errefuxiatuen arazoa ez dela Europarena, "Alemaniarena baizik", eta argi adierazi du ez diela pertsona horiei Hungariatik ateratzen utziko erregistratu arte, hala exijitzen dutelako Berlinek, Vienak eta araudiak.
"Ez da estrategia kontua. Oso araudi argia dugu, eta Austriako eta Alemaniako kantzilerrek argi adierazi dute ezin dutela atera erregistratu aurretik. Ez da estrategia, legedia betetzea da", adierazi du Orbanek Martin Schul Europako Parlamentuko presidentearekin bildu ostean.
"Arazoa ez da europarra; arazoa Alemaniarena da. Inork ez du Hungarian geratu nahi. Ez dugu arazorik geratu nahi dutenekin, baina inork ez du geratu nahi. Ezta Eslovakian, Polonian eta Estonian ere. Guztiek joan nahi dute Alemaniara, eta gure lana erregistratzea da", azpimarratu du.
Orbanek azaldu duenez, Schengen kodeak, Dublin sistemak eta Frontexek "argi adierazten dute kanpo mugen ardura eta betebeharra estatu kideena dela", eta horixe berretsi dute estatuburuek azken goi-bileran.
Hungariako lehen ministroaren arabera, Schengen "arriskuan" dago uneotan, horregatik hartu omen du mugak zaintzeko konpromisoa.
Tuskek 100.000 errefuxiatu hartzea eskatu du
Bestalde, Donald Tusk Europako Kontseiluko presidenteak gutxienez 100.000 errefuxiaturen banaketa "justua" onartzeko eskatu die Europar Batasuneko herrialdeei, eta esfortzu handiagoa egin dezatela, baita finantza alorrean ere.
"Errefuxiatu gehiago onartzea ez da irtenbide bakarra, baina benetako elkartasun keinua da. 100.000 errefuxiaturen banaketa justua da hain zuzen, gaur egun behar duguna", adierazi du Orbanekin bildu den egunean.
"Buruzagiek ez badute borondate onik erakusten, elkartasuna eslogan hutsala izango da, eta xantaia politikoarekin eta zatiketarekin ordezkatuko da", ohartarazi du Europako Kontseiluaren presidenteak.
Albiste gehiago mundua
Irango Armadak, Trumpi: "Zuk hasi duzu gerra, baina guk emango diogu amaiera"
Iranek atzo iragarri zuen aukera guztiak mahai gainean dituela, eta erantzunaren neurria aztertzen ari direla. Bien bitartean, Donald Trump AEBko presidentea pozik agertu da erasoak eragindako ondorioekin, eta Iranek “erregimen aldaketa” behar duela esan du.
Albiste izango da: AEBen erasoa Iranen, Cerdan kasua eta San Joan bezpera
eitb.eus-ek gaur egingo dituen albiste nagusien laburpena
Ormuzko itsasartea, petrolioa eta gasa komertzializatzeko gune estrategikoa, ixteko gomendatu du Irango Parlamentuak
Azken hitza, hala ere, Segurtasun Nazionaleko Kontseilu Gorenak eta Ali Khamenei aiatolak, Irango buruzagi gorenak, izango dute. Persiar golkoaren eta Omango golkoaren artean dago Ormuzko itsasartea, eta tarterik estuenean 54 kilometro ditu. Batez beste 13 zisterna-ontzi igarotzen dira egunero bertatik, eta 15 milioi petrolio-upel baino gehiago garraiatzen dituzte. Itxiko balitz, mundu osoan izango luke eragina.
Mikel Ayestaran: "Hemendik aurrera, Iranek bi fronte izango ditu: batetik, Israel; eta, bestetik, AEBren baseak Ekialde Hurbilean"
EITBren Ekialde Hurbileko korrespontsalaren esanetan, "Iranek uste du eskualdeko base kopurua ez dela indarraren erakusle, ahultasunarena baizik, denak babesteko gatz izango duelako AEBk".
Iranek ez du aukerarik baztertzen, AEBk instalazio nuklearren aurka eraso egin ostean
Irango Atzerri ministroak adierazi duenez, AEBk "Nazio Batuen Gutuna, nazioarteko zuzenbidea eta Arma Nuklearrak Ez Ugaritzeko Ituna urratu ditu Irango instalazio nuklear baketsuei eraso eginda", Nazio Batuen Segurtasun Kontseiluko kide iraunkor gisa. Erasoak "sumingarriak" direla esan, eta "ondorio iraunkorrak" izango dituztela gaineratu du.
AEBk Irango azpiegitura nuklearrak bonbardatu ditu
Iranen hiru instalazio nuklear bonbardatu ostean, Donald Trump AEBko presidenteak "bakea edo tragedia" aukeratzeko eskatu dio Irani. Oposizio demokratak Konstituzioa urratu izana leporatu dio Trumpi, Kongresuaren baimen espliziturik gabe egin duelako beste herrialde baten aurkako ekintza militarra. JD Vanceren hitzetan, bere herrialdea "ez dago Iranekin gerran, haren asmo nuklearrekin baizik".
Guterresek gaitzetsi egin du AEBk Irani egindako erasoa, eta diplomaziaren bideari eusteko eskatu du
Egoeraren larritasunaz ohartarazi du Nazio Batuen Erakundeko buruak. Indarkeria ekintzak areagotzeak, bai Iranen, bai mundu osoan, "ondorio katastrofikoak" izan ditzakeela uste du. Nazioarteko komunitateak tentsioa baretzeko eta elkarrizketarako deia egin du.
Martxa jendetsuak Erroman eta Londresen, Gazako erasoaldia amaitzea, Israelekin haustea eta Europaren berrarmatzea gelditzea eskatzeko
Londresko Palestinaren aldeko Martxa Nazionalean parte hartu dutenek oihuka eskatu dute Israelek Palestinako lurraldean "okupazioa" amaitzea eta Israelek Irani egindako bonbardaketak bertan behera uztea. Erroman, milaka lagunek Europaren berrarmatzea gelditzeko eta bakea berrezartzeko eskatu dute.
Trumpek esan du Espainiak "oso gutxi" ordaintzen duela NATOko kide gisa
Horrekin batera, AEBko presidenteak berretsi du erakundeko kide guztiek BPGaren % 5 inbertitu beharko luketela defentsan.
Israelek dozenaka gazatar hil ditu, tiroka, Gaza Hirian
Ostiralean, gutxienez 70 palestinar hil dira Israelek Gazako hainbat guneren aurka egindako erasoetan, Osasun Ministerioak eta Defentsa Zibilak egindako zenbaketaren arabera. Gutxienez 25 laguntza humanitarioa jasotzeko guneetara zihoazela hil dituzte, tiroka.