Akordiorik ez, 120.000 errefuxiatu birkokatzeko egindako EBren bileran
Akordiorik gabe amaitu da 120.000 errefuxiatu Europar Batasuneko herrialdeetan birkokatzeko 28 herrialdeetako Barne ministroek astelehen honetan Bruselan egin duten bilera. Erabakia urriaren 8ko goi-bilerarako utzi dute.
"Herrialde gehienek" errefuxiatuak hartzeko "konpromisoa" agertu dute, Jean Asselborn Luxenburgoko Atzerri ministroak bilera amaitutakoan kazetarien aurrean azaldu duenez. Seihileko honetan Luxenburgori dagokio Europar Batasuneko presidentetza.
Adostasuna lortzeko oztopoetako bat errefuxiatuak birkokatzeko programa derrigorrezkoa izatea izan da, iturri diplomatikoek adierazi dutenez. Horien arabera, Poloniak, Hungariak, Txekiar Errepublikak, Eslovakiak eta Letoniak blokeatu dute akordioa.
Alemaniako eta Frantziako ministroek 28 herrialderen arteko akordioa iragarri dute bilera amaitu baino lehen eta "horrek ez du lagundu" azken eragozpenak gainditzen, negoziazioetan parte hartu duen goi-funtzionario baten hitzetan.
Behin akordioa zapuztuta, Europar Batasuneko herrialde gehienek proiektuarekiko erakutsi duten konpromisoa azpimarratu du Europar Batasuneko presidentetzak. Datozen asteetan lan teknikoan aurrerapausoak ematea eta behin betiko akordioa urriaren 8ko goi-bileran hartzea da asmoa.
Erabaki bati babes politikoa ematen dion testua ixteko herrialde guztien adostasuna beharrezkoa da EBko araudiaren arabera. Dena den, praktikan ez da beharrezkoa izango eta nahikoa izango da gehiengo kualifikatua lortzea.
Diferentziak diferentzia, Italia eta Greziara iritsi eta asilo eskaera egin duten errefuxiatuak birkokatzeko akordioa lortu dute EBko Barne ministroek. Bruselak 40.000 errefuxiatu birkokatzea eskatzen du, baina oraingoz 32.000 hartzeko konpromisoa hartu dute herrialdeek -tartean 1.300 Espainiak-.
Italiara eta Greziara iritsitako errefuxiatuen artetik, bi urteko epean, 40.000 errefuxiatu Europar Batasuneko herrialdeen artean banatzea adostu dute Europar Batasuneko Barne ministroek Bruselan. Dena den, orain arte 32.256 pertsona hartzeko konpromisoa hartu dute herrialdeek eta konpromiso horiek errebisatu egin beharko dira abenduan.
Europako Parlamentuak atsekabea agertu du EBko herrialdeak errefuxiatuen inguruko erabaki bat hartzeko gai izan ez direlako. "Estatukideek porrot egin dute berriz ere erabaki zailak hartu eta errefuxiatuen krisiari erantzuna ematerakoan", adierazi du Claude Moraes Europako Parlamentuko migrazio eta asilorako batzordeko presidentearen arabera.
Albiste gehiago mundua
Pablo Ibarren defentsak dio agertu berri den lekuko batek badakiela nortzuek gauzatu zuten benetan hilketa hirukoitza
Ekainaren 26an 31 urte beteko dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita zigortu zuten. Hala ere, berak errugabea dela dio.
Iranek eta Israelek misil gehiago jaurti dizkiote elkarri
Iranek atzo iragarri zuen aukera guztiak mahai gainean dituela, eta erantzunaren neurria aztertzen ari direla. Bien bitartean, Donald Trump AEBko presidentea pozik agertu da erasoak eragindako ondorioekin, eta Iranek “erregimen aldaketa” behar duela esan du.
Albiste izango da: AEBen erasoa Iranen, Cerdan kasua eta San Joan bezpera
eitb.eus-ek gaur egingo dituen albiste nagusien laburpena
Ormuzko itsasartea, petrolioa eta gasa komertzializatzeko gune estrategikoa, ixteko gomendatu du Irango Parlamentuak
Azken hitza, hala ere, Segurtasun Nazionaleko Kontseilu Gorenak eta Ali Khamenei aiatolak, Irango buruzagi gorenak, izango dute. Persiar golkoaren eta Omango golkoaren artean dago Ormuzko itsasartea, eta tarterik estuenean 54 kilometro ditu. Batez beste 13 zisterna-ontzi igarotzen dira egunero bertatik, eta 15 milioi petrolio-upel baino gehiago garraiatzen dituzte. Itxiko balitz, mundu osoan izango luke eragina.
Mikel Ayestaran: "Hemendik aurrera, Iranek bi fronte izango ditu: batetik, Israel; eta, bestetik, AEBren baseak Ekialde Hurbilean"
EITBren Ekialde Hurbileko korrespontsalaren esanetan, "Iranek uste du eskualdeko base kopurua ez dela indarraren erakusle, ahultasunarena baizik, denak babesteko gatz izango duelako AEBk".
Iranek ez du aukerarik baztertzen, AEBk instalazio nuklearren aurka eraso egin ostean
Irango Atzerri ministroak adierazi duenez, AEBk "Nazio Batuen Gutuna, nazioarteko zuzenbidea eta Arma Nuklearrak Ez Ugaritzeko Ituna urratu ditu Irango instalazio nuklear baketsuei eraso eginda", Nazio Batuen Segurtasun Kontseiluko kide iraunkor gisa. Erasoak "sumingarriak" direla esan, eta "ondorio iraunkorrak" izango dituztela gaineratu du.
AEBk Irango azpiegitura nuklearrak bonbardatu ditu
Iranen hiru instalazio nuklear bonbardatu ostean, Donald Trump AEBko presidenteak "bakea edo tragedia" aukeratzeko eskatu dio Irani. Oposizio demokratak Konstituzioa urratu izana leporatu dio Trumpi, Kongresuaren baimen espliziturik gabe egin duelako beste herrialde baten aurkako ekintza militarra. JD Vanceren hitzetan, bere herrialdea "ez dago Iranekin gerran, haren asmo nuklearrekin baizik".
Guterresek gaitzetsi egin du AEBk Irani egindako erasoa, eta diplomaziaren bideari eusteko eskatu du
Egoeraren larritasunaz ohartarazi du Nazio Batuen Erakundeko buruak. Indarkeria ekintzak areagotzeak, bai Iranen, bai mundu osoan, "ondorio katastrofikoak" izan ditzakeela uste du. Nazioarteko komunitateak tentsioa baretzeko eta elkarrizketarako deia egin du.
Martxa jendetsuak Erroman eta Londresen, Gazako erasoaldia amaitzea, Israelekin haustea eta Europaren berrarmatzea gelditzea eskatzeko
Londresko Palestinaren aldeko Martxa Nazionalean parte hartu dutenek oihuka eskatu dute Israelek Palestinako lurraldean "okupazioa" amaitzea eta Israelek Irani egindako bonbardaketak bertan behera uztea. Erroman, milaka lagunek Europaren berrarmatzea gelditzeko eta bakea berrezartzeko eskatu dute.
Trumpek esan du Espainiak "oso gutxi" ordaintzen duela NATOko kide gisa
Horrekin batera, AEBko presidenteak berretsi du erakundeko kide guztiek BPGaren % 5 inbertitu beharko luketela defentsan.