Hauteskundeak igandean
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Greziarrak etsita daude, baina hautestontziekin hitzordua dute

Hauteskundeetarako egun gutxi falta direnean herritar askok (% 10-15) botoa erabaki gabe dute oraindik. Urtarrileko hauteskundeek piztu zuten itxaropenarekin ez du batere zerikusirik kaleko giroak.
Greziako Aderdi Komunistako (KKE) jarraitzaileak Atenaseko Syntagma. Argazkia: EFE
Greziako Aderdi Komunistako (KKE) jarraitzaileak Atenaseko Syntagma. Argazkia: EFE
author image

EFE

Azken eguneratzea

Greziarrek hautestontziekin hitzordua dute igandean. Asko egoera politikoarekin etsita eta Syrizarekin haserre daude, Alexis Tsiprasek hirugarren erreskatea adostu ondoren. Herritar ugarik desengainu handia hartu dute azken hilabeteetan.

Hauteskundeetarako egun gutxi batzuk falta direnean herritar askok (% 10-15) botoa erabaki gabe dute oraindik, azken inkesten arabera.

Tsipras eta Vangelis Meimarakis hautagai kontserbadorea ezbaian dauden herritarren botoa bereganatzen saiatu ziren telebistako azken eztabaidan, baina komunikabide guztien arabera, argitasun gutxiko ekarpena egin zieten boto-emaileei. Inkesten arabera, bi hautagaiak berdinduta daude.

Desengainua

Urtarrileko hauteskundeek piztu zuten itxaropenarekin ez du batere zerikusirik kaleko giroak.

Orduan Syriza faboritoa zen eta azkenean Tsipras lehen ministro izendatu zuten botoen % 36,34rekin, murrizketekin bukatu behar zuela eta ekonomiaren susperraldia pixkanaka-pixkanaka helduko zela agindu ondoren.

Orduan ?ezker erradikalari? botoa sekula eman ez zion jendeak Syriza hautatu zuen herrialdearen egoerarekin etsita.

Zortzi hilabete geroago, egoera ekonomikoa apenas aldatu da, baina herritarren aldartea guztiz aldatu da.

To Pontiki astekariak argitaratutako inkesta baten arabera, urtarrilean Syrizari botoa eman zioten % 50ek soilik boza errepikatuko dute. Demokrazia Berriak, ostera, % 75eko portzentajea du esparru horretan.

Eskuin muturraren gorakadaren beldur

Syrizan geratuko diren boto-emaileen artean, askok eskuin muturraren gorakada bati ikara diote, eta horregatik ez dira etxean geratuko. Urtarrilean lortutako hirugarren lekua ematen diote inkesta guztiek eskuin muturrari.

Bien bitartean, Demokrazia Berriak eta Pasokek, buruzagiak aldatu ondoren, boto-emaile zaharrak berreskuratu eta leialak mantenduko dituzte.

Tsiprasek eta Meimarakisek erreskatea betetzea bilatuko dute
Varoufakis ez da Tsiprasekin Greziako hauteskundeetara aurkeztuko
Parlamentua desegin eta irailaren 20rako bozak deitu dituzte Grezian
Tsiprasek dimisioa eman eta hauteskundeak aurreratzea proposatu du
Munduko albisteak Grezia

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X