Ume bat hil eta beste 13 lagun desagertu dira, ontzi bat hondoratuta
Bost bat urteko neskato bat hil da eta 13 errefuxiatu desagertu dira Grezian, ontzi bat hondoratu ostean. Beste 11 lagun uretatik erreskatatu dituzte, Greziako kostazainek azaldu dutenez. Lesbos irlaren parean izan da ezbeharra.
Joan den asteartean beste hondoratze bat izan zen, eta 22 pertsona hil eta 200 erreskatatu zituzten, Kosera iritsi nahian zirela.
Igandean, bestalde, 34 errefuxiatu hil ziren, gehienak jaioberriak eta haurrak, Farmakonisi irlatik gertu hirugarren ontzi bat hondoratu ostean.
Europara heldu nahi duten errefuxiatuentzat Grezia da egun atea nagusia. Gehienak Siriako gerratik ihesi heltzen dira.
Greziak astea honetan adierazi duenez, 150.000 asilo eskaera jaso dituzte uztaila eta abuztua bitartean. Migrazioen Nazioarteko Erakundearen datuen arabera, 473.887 lagunek zeharkatu dute Mediterraneo Europara bidean, eta horietatik 349.109 heldu dira Greziara.
Kroaziak dio Hungaria ''behartu'' zuela errefuxiatuak hartzera, eta horri eutsiko diola
Kroaziak Hungaria ''behartu'' du errefuxiatuak hartzera, eta horri eutsiko dio, Zoran Milanovic lehen ministroak larunbat honetan azaldu duenez. ''Behartu egin genituen jendea bertara bidalita. Eta hori egiten jarraituko dugu'', esan du.
Ostiralean,autobusak eta trenak igorri zituzten errefuxiatuekin, Hungariarantz. Kroaziako Gobernuak adierazi duenez, 17.000 baino gehiago izan dira Kroaziara heldutakoak, Hungariak kontrola zorroztu zituenetik.
Manifestazioa Bilbon
Gobernuz Kanpoko Erakundeak, gizarte eragileak, talde antimilitarista eta feministak eta zenbait alderdi politiko bildu dira larunbat honetan Bilboko Arriaga plazan, errefuxiatuen egoera salatzeko. 'Guerrarik ez. Babeserako eskubidearen alde' lelopean, salatu egin dute ¡¡gerrek eta inbasio inperialistek'' sortutakoa dela egun errefuxiatuek bizi duten egoera. Bertan izan dira, besteak beste Bilboko EH Bilduko, Udalberriko eta Ganemos Goazen Bilboko ordezkariak.
Albiste gehiago mundua
Irango Armadak, Trump: "Zuk hasi duzu gerra, baina guk emango diogu emaiera"
Iranek atzo iragarri zuen aukera guztiak mahai gainean dituela, eta erantzunaren neurria aztertzen ari direla. Bien bitartean, Donald Trump AEBko presidentea pozik agertu da erasoak eragindako ondorioekin, eta Iranek “erregimen aldaketa” behar duela esan du.
Albiste izango da: AEBen erasoa Iranen, Cerdan kasua eta San Joan bezpera
eitb.eus-ek gaur egingo dituen albiste nagusien laburpena
Ormuzko itsasartea, petrolioa eta gasa komertzializatzeko gune estrategikoa, ixteko gomendatu du Irango Parlamentuak
Azken hitza, hala ere, Segurtasun Nazionaleko Kontseilu Gorenak eta Ali Khamenei aiatolak, Irango buruzagi gorenak, izango dute. Persiar golkoaren eta Omango golkoaren artean dago Ormuzko itsasartea, eta tarterik estuenean 54 kilometro ditu. Batez beste 13 zisterna-ontzi igarotzen dira egunero bertatik, eta 15 milioi petrolio-upel baino gehiago garraiatzen dituzte. Itxiko balitz, mundu osoan izango luke eragina.
Mikel Ayestaran: "Hemendik aurrera bi fronte izango ditu Iranek: batetik, Israel, eta, bestetik, AEBren baseak Ekialde Hurbilean"
EITBren Ekialde Hurbileko korrespontsalaren esanetan, "Iranek uste du eskualdeko base kopurua ez dela indar-erakusle, ahultasunarena baizik, denak babesteko zailtasunak izango dituelako AEBk".
Iranek ez du aukerarik baztertzen, AEBk instalazio nuklearren aurka eraso egin ostean
Irango Atzerri ministroak adierazi duenez, AEBk "Nazio Batuen Gutuna, nazioarteko zuzenbidea eta Arma Nuklearrak Ez Ugaritzeko Ituna urratu ditu Irango instalazio nuklear baketsuei eraso eginda", Nazio Batuen Segurtasun Kontseiluko kide iraunkor gisa. Erasoak "sumingarriak" direla esan, eta "ondorio iraunkorrak" izango dituztela gaineratu du.
AEBk Irango azpiegitura nuklearrak bonbardatu ditu
Iranen hiru instalazio nuklear bonbardatu ostean, Donald Trump AEBko presidenteak "bakea edo tragedia" aukeratzeko eskatu dio Irani. Oposizio demokratak Konstituzioa urratu izana leporatu dio Trumpi, Kongresuaren baimen espliziturik gabe egin duelako beste herrialde baten aurkako ekintza militarra. JD Vanceren hitzetan, bere herrialdea "ez dago Iranekin gerran, haren asmo nuklearrekin baizik".
Guterresek gaitzetsi egin du AEBk Irani egindako erasoa, eta diplomaziaren bideari eusteko eskatu du
Egoeraren larritasunaz ohartarazi du Nazio Batuen Erakundeko buruak. Indarkeria ekintzak areagotzeak, bai Iranen, bai mundu osoan, "ondorio katastrofikoak" izan ditzakeela uste du. Nazioarteko komunitateak tentsioa baretzeko eta elkarrizketarako deia egin du.
Martxa jendetsuak Erroman eta Londresen, Gazako erasoaldia amaitzea, Israelekin haustea eta Europaren berrarmatzea gelditzea eskatzeko
Londresko Palestinaren aldeko Martxa Nazionalean parte hartu dutenek oihuka eskatu dute Israelek Palestinako lurraldean "okupazioa" amaitzea eta Israelek Irani egindako bonbardaketak bertan behera uztea. Erroman, milaka lagunek Europaren berrarmatzea gelditzeko eta bakea berrezartzeko eskatu dute.
Trumpek esan du Espainiak "oso gutxi" ordaintzen duela NATOko kide gisa
Horrekin batera, AEBko presidenteak berretsi du erakundeko kide guztiek BPGaren % 5 inbertitu beharko luketela defentsan.
Israelek dozenaka gazatar hil ditu, tiroka, Gaza Hirian
Ostiralean, gutxienez 70 palestinar hil dira Israelek Gazako hainbat guneren aurka egindako erasoetan, Osasun Ministerioak eta Defentsa Zibilak egindako zenbaketaren arabera. Gutxienez 25 laguntza humanitarioa jasotzeko guneetara zihoazela hil dituzte, tiroka.