Milaka errefuxiatu sartu dira Kroazian, Serbiatik oinez joanda
2.000-3.000 errefuxiatu sartu dira gaur goizaldean Serbiatik Kroazian. Bapska herritik Sarengradera dauden 20 kilometroak oinez egin dituzte, eta Opatovaceko harrera zentrora iritsi dira.
Errefuxiatuen etorrerak kaosa eragin du Opatovacen, bertako hedabideen arabera, agintariek ez baitzuten uste, mugako pasabidea itxi ostean, hainbeste errefuxiatuk lortuko zutenik iristea.
Kroaziako Barne Ministerioak jakitera eman duenez, 30.000 errefuxiatutik gora sartu dira astebetean herrialdean, baina beste 27.000k alde egin dute.
Aurreko ostiraletik, Hungariako mugara eraman dituzte etorkinak, eta gutxi batzuk Eslovenian sartzen saiatu dira.
Opatovaceko zentroan 2.500 errefuxiatu daude une oro, baina herrialdean dauden gainerako zentroak ia hutsik daude.
Banaketa onartzeko enegarren saiakera
Bien bitartean, Europar Batasuneko Barne ministroek ezohiko bilera egingo dute gaur, Europako Batzordeak 120.000 errefuxiatu banatzeko egindako proposamena adosteko asmoz. Horretarako, kuotak adostu beharko dituzte, baina derrigorrezkoak izatea baztertu dute.
Hungariak, Greziak eta Italiak bizi duten egoera arindu nahi du Bruselak neurri horrekin, baina sistemaren onuraduna izateari uko egin dio Budapestek.
Ondorioz, Hungariatik beste estatu kide batzuetara eraman behar zituzten 54.000 pertsona linbo batean geratu dira oraingoz.
Erreserba bat
EBko 28 estatu kideetako enbaxadoreek bilera egin zuten bart, eta errefuxiatuen uholdea pairatzen duen edozein estatu kidek 54.000 plaza horiek bereganatzeko aukera izateko mekanismo bat aztertu zuten bertan. Hau da, asilo eskatzaile horiek banatzeko erreserba bat sortzea aztertu zuten, EBko iturriek jakitera eman dutenez. Pertsonak ateratzeko gainerako kideei laguntza eskatzea ere aztertu zuten.
Hala ere, herrialdeak zehaztu gabe erreserba bat sortzeak arriskuak ditu; izan ere, 54.000 toki horiek bidean gal daitezke. Ondorioz, Batzordearen neurriak ez lieke 120.000 pertsonari mesede egingo, 66.000ri soilik baizik.
Bestalde, kide bakoitzak onartzeko prest dagoen errefuxiatuen kopurua gaur zehaztea espero dute aldeek.
Aurrekontuari ekarpena
Era berean, banaketan parte hartu beharrean EBko aurrekontuari ekarpena egiteko aukera aztertu zuten enbaxadoreek.
Hala ere, herrialdeak ez dituzte isun ekonomikoak jarrita zigortuko, EBko Batzordeak bart aurreratu zuenez. Kuotaren % 30 urtebete atzeratzeko aukera emango diete, iturri horien arabera.
Kuota sistemaren aurka behin eta berriro agertu diren herrialdeek (Hungaria, Txekiar Errepublika, Eslovakia eta Errumania) zer jarrera izango duten ez dago argi oraindik.
Albiste gehiago mundua
Ormuzko itsasartea, petrolioa eta gasa komertzializatzeko gune estrategikoa, ixteko gomendatu du Irango Parlamentuak
Azken hitza, hala ere, Segurtasun Nazionaleko Kontseilu Gorenak eta Ali Khamenei aiatolak, Irango buruzagi gorenak, izango dute. Persiar golkoaren eta Omango golkoaren artean dago Ormuzko itsasartea, eta tarterik estuenean 54 kilometro ditu. Batez beste 13 zisterna-ontzi igarotzen dira egunero bertatik, eta 15 milioi petrolio-upel baino gehiago garraiatzen dituzte. Itxiko balitz, mundu osoan izango luke eragina.
Mikel Ayestaran: "Hemendik aurrera bi fronte izango ditu Iranek: batetik, Israel, eta, bestetik, AEBren baseak Ekialde Hurbilean"
EITBren Ekialde Hurbileko korrespontsalaren esanetan, "Iranek uste du eskualdeko base kopurua ez dela indar-erakusle, ahultasunarena baizik, denak babesteko zailtasunak izango dituelako AEBk".
Iranek ez du aukerarik baztertzen, AEBk instalazio nuklearren aurka eraso egin ostean
Irango Atzerri ministroak adierazi duenez, AEBk "Nazio Batuen Gutuna, nazioarteko zuzenbidea eta Arma Nuklearrak Ez Ugaritzeko Ituna urratu ditu Irango instalazio nuklear baketsuei eraso eginda", Nazio Batuen Segurtasun Kontseiluko kide iraunkor gisa. Erasoak "sumingarriak" direla esan, eta "ondorio iraunkorrak" izango dituztela gaineratu du.
AEBk Irango azpiegitura nuklearrak bonbardatu ditu
Iranen hiru instalazio nuklear bonbardatu ostean, Donald Trump AEBko presidenteak "bakea edo tragedia" aukeratzeko eskatu dio Irani. Oposizio demokratak Konstituzioa urratu izana leporatu dio Trumpi, Kongresuaren baimen espliziturik gabe egin duelako beste herrialde baten aurkako ekintza militarra. JD Vanceren hitzetan, bere herrialdea "ez dago Iranekin gerran, haren asmo nuklearrekin baizik".
Guterresek gaitzetsi egin du AEBk Irani egindako erasoa, eta diplomaziaren bideari eusteko eskatu du
Egoeraren larritasunaz ohartarazi du Nazio Batuen Erakundeko buruak. Indarkeria ekintzak areagotzeak, bai Iranen, bai mundu osoan, "ondorio katastrofikoak" izan ditzakeela uste du. Nazioarteko komunitateak tentsioa baretzeko eta elkarrizketarako deia egin du.
Martxa jendetsuak Erroman eta Londresen, Gazako erasoaldia amaitzea, Israelekin haustea eta Europaren berrarmatzea gelditzea eskatzeko
Londresko Palestinaren aldeko Martxa Nazionalean parte hartu dutenek oihuka eskatu dute Israelek Palestinako lurraldean "okupazioa" amaitzea eta Israelek Irani egindako bonbardaketak bertan behera uztea. Erroman, milaka lagunek Europaren berrarmatzea gelditzeko eta bakea berrezartzeko eskatu dute.
Trumpek esan du Espainiak "oso gutxi" ordaintzen duela NATOko kide gisa
Horrekin batera, AEBko presidenteak berretsi du erakundeko kide guztiek BPGaren % 5 inbertitu beharko luketela defentsan.
Israelek dozenaka gazatar hil ditu, tiroka, Gaza Hirian
Ostiralean, gutxienez 70 palestinar hil dira Israelek Gazako hainbat guneren aurka egindako erasoetan, Osasun Ministerioak eta Defentsa Zibilak egindako zenbaketaren arabera. Gutxienez 25 laguntza humanitarioa jasotzeko guneetara zihoazela hil dituzte, tiroka.
Tel Aviv, Haifa, Beersheba eta bi hegazkin base misilekin eta droneekin eraso ditu Iranek
Abas Araqchi Irango Atzerri ministroak Genevan esan duenez, Israelen "erasoa gelditu eta erasotzailea epaitzen dutenean diplomaziari berriz heltzeko prest daude".
UNICEFek ohartarazi du denbora amaitzen ari dela Gazan: "Haurrak egarriz hiltzen hasiko dira"
Ia ez dago edateko urik Gazako Zerrendan, Isralek ezarritako blokeo humanitarioaren eraginez. NBEk azpimarratu duenez, erabaki politikoa da.