Errefuxiatu gehienak Hungariara eta Esloveniara bidali ditu Kroaziak
Kroaziako gobernuak Hungariara eta Esloveniara bidali ditu asteazkenaz geroztik herrialdera heldu diren 20.000 errefuxiatuetatik gehienak, Ranko Ostojic Barne ministroak adierazi duenez.
Gobernu iturrien arabera, Tovarnik hiriko errefuxiatuen gunean, Serbiako mugan, 2.000 errefuxiatu inguru zeuden larunbat eguerdian, eta beste mila inguru gainerako errefuxiatu guneetan.
"Gainerako guztiak Hungaria edota Esloveniako mugara eraman dituzte. Esloveniak Breganako eta Harmicako muga pasabideak ireki ditu, eta bertatik pasatzen utzi die errefuxiatuei", baieztatu du Ostojic ministroak.
Kroaziako Barne ministroak ez du zehaztu zenbat errefuxiatu irten diren herrialdetik eta zenbatek jarraitzen duten Hungariarekiko eta Esloveniarekiko mugetan.
"Harrera zentroetako egoera egonkorra da", gaineratu du ministroak.
Hungariak Kroaziaren ildo bera hartu du, eta errefuxiatuak Austriako mugara eramaten ditu. Austriako agintariek jakinarazi dutenez, larunbat goizaldetik 6.700 errefuxiatu inguru heldu dira Hungariatik Austriara.
Gezurra esatea eta bere subiranotasuna urratzea egotzi dio Hungariak Kroaziari
Peter Szijjarto Hungariako Atzerri ministroak gezurra esatea eta Hungariaren subiranotasuna urratzea egotzi dio Kroaziari, errefuxiatuak Hungariako mugara bidalita.
"Gezurra da. Ez dago inolako akordiorik", adierazi du Szijjartok agintari kroaziarrek iragarritako bi herrialdeen arteko akordioa gezurtatuz. "Gezur hori zabaltzen uzteko eskatu diegu Kroaziako Atzerri Ministerioari eta Kroaziako Poliziari", Hungariako hedabideek jaso dutenez.
Hildako bat eta 13 desagertu Greziako uretan, ontzi bat hondoratuta
Bost bat urteko neskato bat hil da eta 13 errefuxiatu falta dira Grezian, Lesbos uhartearen parean ontzi bat hondoratu ostean.
Beste 11 lagun uretatik erreskatatu dituzte, Greziako kostazainek azaldu dutenez.
Europara heldu nahi duten errefuxiatuentzat Grezia da egun atea nagusia.
Zure interesekoa izan daiteke
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.