Kolonbiako Gobernuak eta FARCek amnistia zabala adostu dute
Delitu politikoak egotzita zigortutakoei amnistia “ahalik eta zabalena” emango die Kolonbiako Estatuak, baina gizateriaren aurkako krimenak, genozidioa edo gerra krimen larriak egin dituztenak amnistiatik kanpo utziko ditu, Gobernuak eta Kolonbiako Indar Armatu Iraultzaileek (FARC) lortutako akordioaren arabera.
Honenbestez, trantsiziorako justiziaren inguruan garrantzi handiko akordioa adostu dute aldeek. Adostasunaren berri emateko ekitaldian, Juan Manuel Santos Kolonbiako presidentea eta Timochenko FARCen buruzagi nagusia egon dira.
Era berean, bahiketak, askatasunen urraketa larriak eta torturak indultutik kanpo geratuko dira, adierazpen bateratu batean azaldu dutenez. Kuba eta Norvegia herrialde berme-emaileetako ordezkariek irakurri dute akordioa Habanan (Kuba).
Desagerpenak, fusilamenduak, sexu-indarkeria eta erbesteratze behartuak ere amnistiatik at geratuko dira.
“Delitu horiek ikertu eta bake jurisdikzio berezi batek epaituko ditu”, zehaztu dutenez. Jurisdikzio berezia aldeek adostu dute, eta horrek behin betiko bake akordioa lortzeko bidea erraztu du. Azken itun hori sinatzeko, sei hilabeteko epea finkatu dute bi aldeek.
Rodolfo Benitez eta Dag Nylander Kuba eta Norvegia herrialde bermatzaileetako ordezkariek irakurri dute akordioa, bi aldeetako ordezkariak ondoan, Santos eta Timochenko buru zituztela.
Humberto de la Calle Gobernuko ordezkariak eta Ivan Marquez (Luciano Marin Arango) gerrillako buruzagiak sinatu dute akordioa.
Gerrillako 50 buruzagiren inputazioak, bertan behera
Horrela, gerrillako 50 buruzagiren aurkako auziak bertan behera utzi ditu Habanan sinatutako akordioak, Kolonbiako Fiskaltzak adierazi duenez.
Hala ere, “horrek ez du esan nahi ikerketak bertan behera geratzen direnik”, zehaztu du Fiskaltzak. Hainbat hamarkadatako gatazka armatuan gertatu diren 38.000 bat gertakari ikertzen jarraituko dutela erantsi du.
Santos: “Ez da lan erraza izango"
“Biktima berririk ez izatea biktimen eskubideak bermatzea bezain garrantzitsua da; Kolonbiako gatazka armatua behin betiko amaitzea, alegia”, ohartarazi du Kolonbiako presidenteak.
Kolonbiako estatuburuaren hitzetan, “ez da lan erraza izango, adosteko puntu zail batzuk geratzen direlako oraindik”, baina bi aldeek behin betiko akordioa “ahalik eta lasterren” lortzeko agindua dute.
AEB: "Aurrerapauso historikoa da"
John Kerry Ameriketako Estatu Batuetako Estatu idazkariaren ahotan, bi aldeen arteko akordioa “aurrerapauso historikoa” da.
Bestalde, Frantzisko aita santua akordioarekin “oso pozik” izango dela esan du Federico Lombardi Vatikanoko bozeramaileak.
bozeramaileak.Albiste gehiago mundua
Dalai-lamak 90 urte bete ditu, bere ondorengoa aukeratzeko prozesua abiatuta
Aukeratze prozesu hori ilusioz bizi dute gurean bizi diren budistek ere. Prozesua mistikoa da, luze jo dezake, eta dalai-lama berria izan daitekeen haurrari, besteak beste, objektuen proba egiten zaio.
Israelentzat “onartezinak” dira Hamasek su-etenari egin nahi dizkion aldaketak, baina negoziatzen jarraituko du
Laguntza humanitarioa berriro Nazio Batuen Erakundeak kudeatzea da talde islamistak egindako eskakizunetako bat.
27 neskato-begiralek osatutako talde bat desagertuta dago oraindik, Texasen izandako uholde larrien ondorioz
Dagoeneko 52 lagun hil dira Texasko erdialde-hegoaldea astindu duten uholde larriengatik. Ehunka pertsona erreskatatu dituzte kanpalekuetan, baina Hunt herrian, Guadalupe ibaiaren ondoan kanpatuta zegoen eskola-talde bat aurkitu ezinda dabiltza.
Dalai-lamak, Tibeteko budisten buruzagi espiritualak, 90 urte bete ditu
Munduko buruzagi erlijioso garrantzitsuenetakoak ekitaldi jendetsua egin du bere etxebizitzan, Indiako iparraldean, lagun ugariz inguratuta, tartean Richard Gere aktorea. 14. dalai-lamak 130 urte baino gehiago bizitzeko itxaropena du, eta Txinako inposaketei aurre egiten jarraituko duela hitzeman du.
Muskek America Party sortu du, AEBri "askatasuna itzultzeko" alderdi politikoa
“Batzuentzat alderdi bakarrekoa” den “bi alderdiko sistema” deuseztatzea da horren helburua, eta “lege liskartsuen aurrean boto erabakigarria” izan nahi du.
Miguel Uribe senatariaren aurkako atentatuaren ustezko egile intelektuala atxilotu dute
"Hilketa saiakera, armak legez kanpo eramatea eta delituak egiteko adingabeak erabiltzea" egotzita atxilotu dute atentatuaren ustezko egile intelektuala.
Paristarrak eta turistak Sena ibaian bainatzen hasi dira berriro
Mende bat geroago, paristarrak eta turistak Sena ibaian bainatzen hasi dira, berriro, Eiffel dorretik gertu. Uztailaren 5a eta abuztuaren 31 bitartean izango da bertan bainatzeko aukera, eta hiru gune egokitu dituzte horretarako: hirigune historikoaren parean (udaletxe ondoan), mendebaldean Eiffel dorrera begira eta hego-ekialdean, Bercyn. Parisko Olinpiar Jokoak eta Paralinpiar Jokoak izan eta urtebetera heldu da albistea, duela urtebete, hainbat gorabeheraren ondorioz, uraren kalitatea zalantzan jarri ostean.
Uholdeek gutxienez 25 hildako eta dozenaka desagertu utzi dituzte Texasen
Guadalupe ibaiak gainez egin du, Texas erdigune-hegoaldean, eta 25 heriotzaz gain, ugari dira desagertutako pertsonak, neskentzako udaleko kristau batean parte hartzen ari ziren 23 adingabe tartean. Hondamendia handia da Bandera, Cope, Comal, Concho, Gillespie, Kendall, Kerr, Kimble, Llano, Mason, McCullouch, Menard, San Saba eta Tom Green eskualdeetan.
Hamasek erantzun "positiboa" eman dio AEBren Gazarako su-eten proposamenari
"Hamasen erantzuna positiboa da, eta uste dut lagungarria izan beharko litzatekeela akordio batera iristeko", adierazi du Reutersek aipatutako ofizial palestinar batek. Donald Trumpen proposamenak 60 eguneko su-etena planteatzen du, 21 hilabetean Israelek 57.200 palestinar hil ostean.
Ukrainaren aireko gaitasunak indartzeko akordioa itxi du Zelenskik Trumpekin, AEBk Patriot misilen bidalketa bertan behera utzi ostean
"Elkarrekin lan egingo dugu gure zeruaren babesa indartzeko", esan du Ukrainako presidenteak AEBkoarekin telefonoz hitz egin ostean.