Merkel Turkiari 3.000 milioi emateko prest, errefuxiatuak gelditzeko
Errefuxiatuak geldiaraztearen truke, estatu kideek Turkiari 3.000 milioi euro ematea eztabaidatu dutela onartu du gaur Angela Merkel Alemaniako kantzilerrak. Turkiak orain arte errefuxiatuak artatzeko gastatu duena kontuan hartuta, kargaren banaketa hori egokia dela uste du Merkelek.
Europako Batzordearen eta Turkiaren artean adostutako egitasmoari babesa eman diote gaur Europar Batasuneko (EB) estatuburuek eta gobernuburuek, baina errefuxiatuak geldiarazteko EBk Ankarari emango dion diru-kopurua ez dute zehaztu.
Turkian dauden errefuxiatuak bertan geratzea du helburu planak, Jean-Claude Juncker Europako Batzordearen presidenteak bilera amaitu ondoren azaldu duenez. Horrela, EBra iristea saihestu nahi du Bruselak. Turkiari eman beharreko diru-kopuruaz datozen egunetan hitz egingo dutela erantsi du Junckerrek.
Donald Tusk Europako Kontseiluko presidentearen hitzetan, “krisiari aurre egiteko, Turkiaren eta gainerako bazkideen erantzun arduratsua” behar da, eta horregatik ari da EB eskaintza horiek prestatzen. “Gehiago gehiagoren truke printzipioa aplikatu beharra dago. Laguntzen badiguzue lagunduko dizuegu. Oso sinplea da”, azpimarratu du.
Jean-Claude Juncker Europako Batzordeko presidentea eta Donald Tusk Europako Kontseiluko presidentea. Argazkia: EFE
Gainera, Frontexek eskumen gehiago izatea aztertu dute EBko buruzagiek, eta legez kanpoko etorkinak kanporatu ahal izatea eta mugak babesteko gaitasun handiagoa izatea babestu dute.
Bulgariako Poliziak errefuxiatu bat hil du mugan
Bestalde, Afganistango errefuxiatu bat hil dute goizaldean Turkiaren eta Bulgariaren arteko mugan. Bulgariako Poliziak tiro egin dio, Sofiako Gobernuak jakinarazi duenez.
Bulgariako Barne Ministerioaren goi-kargudun batek gaur prentsaurrekoan emandako azalpenen arabera, Afganistango 54 errefuxiatu sakabanatzeko egin du tiro Poliziak. Izan ere, muga zeharkatu nahi zuten, Sredets hiritik gertu (Bulgaria hego-ekialdea).
Zure interesekoa izan daiteke
Irango zentral elektrikoak suntsitzeko mehatxua egin du Trumpek, Teheranek Ormuzeko itsasartea 48 orduko epean irekitzen ez badu
Iranek dio itsasartea irekita dagoela AEBentzat eta Israelentzat izan ezik, eta ohartarazi du azpiegitura energetikoei, gatza kentzeko plantei eta AEBk eskualdean dituen informazio-teknologien zentroei eraso egingo diela mehatxua betetzen badu.
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.