Parisko atentatuen gisakoak izateko arriskuaz ohartarazi du Belgikak
Belgikako Gobernuak gorenera igo du alerta maila Brusela hiriburuan, "Parisko atentatuen gisakoak" izateko arriskua handia dela ikusita. Hala azaldu du Charles Michel Belgikako lehen ministroak kazetarien aurrean.
Belgikako Segurtasun Kontseiluak presazko bilera egin du gaur goizean eta horren ondoren Michelek aitortu du kontrol guztiak indartu dituztela, "hainbat lagunek hainbat tokitan" atentatua egiteko "mehatxua" tarteko.
"Segurtasun aginduak errespetatzeko eta komunikabide ofizialen bidez informazioa jasotzeko gomendatzen diegu herritarrei", adierazi du Michelek agerraldi publiko batean. Gainera, zehaztu du Brusela hiriburua eta Vilvorse herria laugarren alerta mailan daudela (maila gorena) eta gainerako lurraldea, ostera, hirugarren alerta mailan.
"Segurtasun arrazoiak" argudiatuta, Michelek ez du zabalik dauden ikerketen inguruko xehetasunik edota segurtasun neurriak indartzeko izan dituzten arrazoien berri eman nahi izan.
Gainera, Brusela metropoliaren inguruetan jende-pilaketak saihestea gomendatu du Belgikako Gobernuak; hala nola, geltokiak, aireportuak edota musika eta kirol ekitaldiak. Bruselako metroa itxita egongo da igande arratsaldeko hirurak arte, mehatxu terrorista tarteko, Gobernuak alerta maila gorenera igo ostean. Bruselako Garraio Zerbitzuaren iturrien arabera, bihar egoeraren ebaluazioa egingo dute.
"Zaintzan" egoteko, baina "beldur" egoeran ez erortZeko ere eskatu die Michelek herritarrei. Gainera, "zurrumurruei" jaramonik ez egiteko eskaria ere egin die.
Bestalde, Dernière Heure egunkariak aipatutako iturrien arabera, produktu kimikoak eta lehergaiak topatu dituzte ostiral honetan Bruselako Molenbeek auzoan egindako polizia operazio batean.
Belgikar bat atxilotuta, Parisko atentatuekin zerikusia duelakoan
Turkiako Poliziak Ahmed Dahmani herritar belgikarra hartu du atxilo, Parisko atentatuetan parte hartu zuelakoan, Hürriyet kazetak jakinarazi duenez.
Dahmanik 26 urte ditu eta jatorri marokoarrekoa da. Poliziaren arabera, Frantziatik Turkia hegoaldera, Antalyara bidaiatu zuen, ustez Siriara ihes egiteko asmoz, baina Manavgaten hartu dute atxilo beste bi lagunekin batera.
Antalyako aireportura iritsi eta berehala zelatatu du Poliziak ustezko ekintzailea. Handik ekialdera, Manavgatera. joan da atxilotua, eta bost izarreko hotel batean eman du gaua.
Siriako 23 eta 29 urteko bi bizilagunekin batera auto batean bidaiatzen ari zela atxilotu du Polizia belgikarrak Dahmani. Pasaporte faltsuak eta dirua zeramatzaten, ustez Siriara joateko. Epailearen aurrera eraman dituzte hiru atxilotuak eta badaezpadako espetxealdia agindu du honek.
Dahmani Estatu Islamikoaren ustezko kidea dela eta Parisen atentatuak egiteko lekuak aztertzen aritu zela argitaratu du Hürriyet egunkariak.
Zure interesekoa izan daiteke
Israelgo Armadak "eraso olde berri bat" iragarri du Libano hegoaldean
Israelgo Defentsa ministroak Libanoko Litani ibaiaren gaineko zubi guztiak "berehala" suntsitzeko agindu du. Gaur bertan, Qasmiyeh zubiari eraso diote (irudietan ikus daiteke). Israelgo Armadak, bestalde, "eraso olde berri bat" iragarri du, Hezbollah talde xiitaren "azpiegituren aurka", Libano hegoaldean.
Iranen aurkako gerrarekin bat egiteko eskatu dio mundu osoari Netanyahuk
Gideon Saar Atzerri ministroak Araden salatu duenez, Iranek gerrako krimenak egin ditu azken 24 orduetan bertan, "jomuga militarrik" ez duten gune zibilei eraso eginda.
Irango zentral elektrikoak suntsitzeko mehatxua egin du Trumpek, Teheranek Ormuzko itsasartea 48 orduko epean irekitzen ez badu
Iranek esan du itsasartea irekita dagoela AEBrentzat eta Israelentzat izan ezik, eta ohartarazi du azpiegitura energetikoei, gatza kentzeko plantei eta AEBk eskualdean dituen informazio-teknologien zentroei eraso egingo diela, mehatxua betetzen badu.
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.