16 atxilotu Belgikan, terrorismoaren aurka egindako operazioetan
Belgikako fiskal federalak prentsaren aurrean egindako agerraldian adierazi duenez, 19 miaketa egin dituzte Brusela eskualdean eta hiru Charleroi eskualdean, igande honetan terrorismoaren aurka egin dituzten operazioetan.
Aipatutako operazioetan 16 pertsona atzeman dituzte, baina horien artean ez dago Salah Abdeslam, Parisko atentatuen ondoren ihes eginda dabilena.
Terrorismoaren aurkako operazioak Belgikan: Argazkia EFE
Molenbeek auzoan, pertsona bat auto batean ihes egiten saiatu da, polizien aurka eginez, eta poliziek tiro egin diote. Hasiera batean bere helburua lortu du, baina Bruselan atzeman dute geroago. Ez dute jakitera eman zergatik ahalegindu den ihes egiten.
Oraingoz, ez dute ez armarik ez lehergairik aurkitu, baina, Fiskaltzak jakinarazi duenez, ez dute operazioa bukatutzat jo.
Polizia-operazioa Bruselan
Belgikako Poliziaren unitate bereziak terrorismoaren aurkako operazioa egin dute Brusela erdigunean, turisten bisita ugari jasotzen duen Grande Place inguruan, hain zuzen ere; horren eraginez, aldameneko kaleak inguratu eta itxi egin dituzte, Le Soir eta La Libre Belgique egunkariek zabaldu dutenaren arabera.
Polizia-operazioa Brusela erdigunean. Argazkia: EFE
19:00ak jota zirenean, Belgikako Poliziak erne egoteko abisua jaso du, Brusela hirigunean bertan (Midi kaletik gertu) egiten ari ziren operazioa dela-eta.
Lekuko batzuek sare sozialetan argitaratutakoaren arabera, leihoetara ez hurbiltzeko eskatu diete, Poliziak inguruko kaleak itxi dituen bitartean.
RTL telebista kateak jakinarazi duenez, armaz josita dauden Polizia eta Armadako kideek segurtasun-perimetro bat eratu dute Grande Place inguruan. Kate beraren arabera, operazio bat baino gehiago egiten ari dira aldi berean.
Ustezko terroristen bila ari dira. Argazkia: EFE
Sare sozialetan informaziorik ez argitaratzeko eskatu du Poliziak
Twitter gisako sare sozialetan sarekaden gaineko informaziorik ez argitaratzeko eskatu du Poliziak, horiek ez oztopatzeko.
Eskari horrekin bat eginez, La Libre Belgique eta Le Soir egunkariek operazioak zabalik zeuden bitartean informatzeari utziko diotela esan dute.
Dena dela, ez dute operazioen xehetasunik eman. Polizia-operazioak abiatu baino ordu batzuk lehenago, Bruselan ezarritako alerta-maila gorenari eutsiko diotela iragarri du Charles Michel Belgikako lehen ministroak.
Horren esanetan, "hainbat lagunek eta hainbat lekutan" atentatuak izateko arrisku handia dago. Hori dela eta, metroa, ikastetxeak eta unibertsitateak itxita egongo dira astelehenean Bruselan, Belgikako historian lehen aldiz.
Zure interesekoa izan daiteke
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.