Putinek Turkiaren aurkako zigor ekonomikoak agindu ditu
Vladimir Putin Errusiako presidenteak Turkiaren kontrako hainbat zigor ekonomiko ezarri ditu gaur dekretu bidez. Zigor horien artean honako hauek daude, besteak beste: Turkiako zenbait produkturen gaineko blokeo komertziala, Turkia helmuga duten bidaia turistikoak saltzeko debekua, Errusian jarduten duten Turkiako enpresentzat murrizketak edota enpresa jakinetan langile turkiarrak kontratatzeko debekua.
"Errusiako Federazioari segurtasuna emateko eta bere herritarrak ekintza kriminaletatik eta legez kanpokoetatik babesteko eta Turkiako Errepublikaren aurkako neurri bereziak ezartzeko" xedea duen dekretu batean daude jasota zigorrok. Hala jakinarazi du RT Errusiako telebista estatalak, Kremlineko iturrietan oinarrituta.
Joan zen azaroaren 24an, Turkiak Su-24 hegazkin-bonbaketari errusiar bat eraitsi zuen Sirian, eta aipatutako zigorrak ekintza horren aurreko Moskuren erantzuna dira.
Erdoganek Parisen konpondu nahi du Errusiarekiko harremana
Turkiako presidente Recep Tayyip Erdoganek gaur adierazi duenez, astelehenetik aurrera Parisen egingo de klima-aldaketaren goi-bilera aukera ona izan daiteke Moskurekin dituen harremanak konpontzeko, aurreko asteartean Errusiako hegazkina bota ostean.
"Astelehenean Parisen klimari buruzko nazioarteko bilera bat egingo da, eta ekitaldi hori aukera ona izan daiteke Errusiarekin daukagun harreman bideratzeko. Gatazkak ez dio poztasunik ekarriko ez alde bateri ez besteari. Errusiak Turkiarentzat daukan adina garrantzia dauka Turkiak Errusiarentzat ere", gaineratu du.
Zure interesekoa izan daiteke
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak jakitera eman duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean jarraitzen dute. Garraio publikoa eten egin da eta semaforoak ez dira martxan egon hainbat gunetan. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
AEBk beste petrolio-ontzi bat "lapurtu" diola salatu du Venezuelak
Gobernu chavistak "pirateria" ekintzatzat jo du gertaera, eta tripulazioaren "desagerpen behartua" ere salatu du.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.