Hollandek buruzagi ekologistei Gobernuaren ateak ireki dizkie
Francois Hollande Frantziako presidenteak Jean-Marc Ayrault lehen ministro ohia berreskuratu eta buruzagi ekologistei Gobernuaren ateak zabaldu dizkie, 2017ko hauteskundeei begira.
Ezkerreko indarren arteko batasuna hauteskundeetako bigarren itzulira pasatzeko bere aukera bakarra dela ondo daki Hollandek.
Hala ere, nahiz eta bazkide berriei eskua luzatu, Exekutiboak profil zentrista jarraitzen du izaten, eta Alderdi Sozialistako fakzio “errebeldearen” ordezkariak baztertu ditu.
Atzerri Ministerioan Laurent Fabiusen ordezkoa nor izan behar zen ezagutzeko ikusmina zegoen eta Hollandek Jean-Marc Ayrault lehen ministro ohiaren aldeko apustua egin du. 2014an Exekutiboa utzi zuen Ayraultek.
2014ko martxoan Exekutiboa uzteko garaian zerikusi handia izan zuen gobernuburuaren aginduetara jarriko dela gogorarazi dute gaur adituek. Hala, Ayraultek eta Vallsek harreman ona ez zutela nabarmendu dute.
Sei aurpegi berri
Aldaketak espero zirenak baino gehiago izan dira: azkenean sei aurpegi berri Exekutiboan eta lau buruzagik alde egin dute.
Debuta egiten dutenen artean, Emmanuelle Cosse Europa Ekologia-Berdeak (EELV) alderdiko idazkari nazionala dago. Cosse Etxebizitza ministroa izango da.
Jean-Vincent Place eta Barbara Pompilio ekologista moderatuak Estatu idazkariak izango dira. Biek EELV utzi zuten udazkenean, erradikalegia bihurtu dela iritzita.
Beste aliatu bati eskua luzatu dio Hollandek, Jean-Michel Baylet Ezkerreko Alderdi Erradikaleko buruzagiari, hain zuzen ere. Lurralde Antolamendu ministroa izango da.
Kultura ministro berriaren izendapenak ezustekoa eman du. Hala, Audrey Azoulay presidentearen aholkulariak Fleur Pellerin ordezkatuko du.
Bestalde, Annick Girardin eta Laurence Rossignol Estatu idazkari ohiak Funtzio Publiko eta Familia ministroak izango dira, hurrenez hurren.
urrenez hurren.Zure interesekoa izan daiteke
Bruselak ikerketa abiatu du Sheinen aurka, diseinu "adiktiboa" duelakoan eta legez kanpoko produktuen salmentagatik
Europako Batzordearen ustez, Txinako plataformak ez du Europako araudia betetzen, ez delako gardena bere gomendio-sistemekin eta legez kanpoko artikuluak merkaturatzeko aukera ematen duelako, besteak beste, haurren sexu-edukiko materiala.
Adimen artifizialaren gobernantza eztabaidagai Indian: Silicon Valleyeko handikiak eta nazioarteko agintariak New Delhin bildu dira
Sam Altman (OpenAI), Sundar Pichai (Google) eta Jensen Huang (Nvidia) lider teknologikoak batu dira goi-bileran.
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal bat zela diote kasua aztertu duten errelatoreek. Sexu-esklabotza, bortxazko desagertzea, tortura eta feminizidioa, besteak beste, egin direla frogatzeko moduko dokumentuak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.