'Ez dago errefuxiatu olderik eta EBk guztiei eman diezaieke asiloa'
Europar Batasuneko kideek Europara iristen diren errefuxiatu guztiei babesa eta asiloa emateko gaitasuna dute, baina Gobernuek asilo eskaerak ukatu egiten dituzte beraien barne intereserako kaltegarriak direla iritzita. Hala ziurtatu du Sergio Carrera CEPS Europako Politika Ikertzeko Bruselako zentroko ikertzaileak.
Carreraren esanetan, "ez da egia errefuxiatu oldea gertatzen ari denik; datuak eskuan, antzeman daiteke kopurua ez dela neurriz kanpokoa. Krisi politikoa da, ez migrazio krisia".
Atzerri eta asilo politikei buruzko batzarra egin da aste honetan Bilbon eta Carrera ikertzaileak parte hartu du, beste hainbat adituren artean. Testuinguru horretan, Europako erakundeek krisi horretan izan duten rola kritikatu du; izan ere, "datuetan oinarrituta", errefuxiatuen iritsierari buruzko "eztabaida objektibo, arrazional eta lasaia" bultzatu beharko luketela uste du.
Halaber, EBko estatuek Giza Eskubideen Europako Konbentziotik eta Errefuxiatuei buruzko Genevako Konbentziotik eratorritako "betebeharrak" betetzen dituztela egiaztatu beharko lukete.
"Gobernuek agenda nazionalistekin eta populistekin jokatzen dute. Giza eskubideak ez dira negoziagarriak eta pilota ezin da beste herrialde batzuen teilatuan utzi, Turki kasu", azaldu du. Gaineratu duenez, Europar Batasuneko kide izateko "nahitaezkoa" da giza eskubideak errespetatzea.
Bestalde, gobernu horiek gerratik ihesi dabiltzanei babesa emateko duten "ezintasun politikoa" salatu du. "Bakoitzak etxe barrura begiratzen du eta immigrazioarekiko eta asilo politikarekiko jarrera irekiegia izateak herrialde barruan izan dezakeen eraginari", gaineratu du.
"Etika politiko kontua da, izan ere, pertsona horiek ez datoz nahi dutelako Europara, egoera eutsiezin batetik ihesi baizik", gaineratu du.
"Dublin" izenez ezaguna den sistema aldatzearen alde mintzatu da. Horren arabera, asilo eskaerak aztertzeko erantzukizuna errefuxiatua lehendabizi iristen den Europar Batasuneko herrialdeari dagokio. Horrenbestez, Carreraren esanetan, Grezia, Italia, Hungaria edota Txekiar Errepublikaren eta Schengen espazioaren mugetan dauden herrialdeen esku uzten da errefuxiatu guztien "erantzukizuna".
Zure interesekoa izan daiteke
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.