Gasolina garestitu, bolivarra debaluatu eta soldatak igo ditu Madurok
Venezuelako krisi ekonomiko eta soziala arintzeko asmoz, neurri ekonomiko sorta bat iragarri du Nicolas Maduro presidenteak. Gasolinaren prezioa % 6.000 igo, bolivarra % 58,7 debaluatu eta oinarrizko soldatak % 20 igoko ditu Venezuelako Gobernuak.
95 oktanoko gasolina litroak 6 bolivar balioko ditu aurreratzean (0,097 bolivar balio zuen orain arte); 91 oktanokoa, berriz, bolivar batean salduko dute ostiraletik aurrera (0,007 balio zuen orain arte). Garestitzea % 6.000koa izango den arren, munduko merkeena izaten jarraituko du.
27 urtean lehen aldiz garestituko du gasolinaren prezioa Venezuelak, eta urte askotan izandako politika errotik aldatuko du. Carlos Andres Perez presidenteak garestitu zuen azkenekoz, 1989an, eta protesta biziak eragin zituen ('Caracazo' izenarekin ezagututakoak). Madurok esan duenez, prezioak garestitzea "ezinbestekoa" da, gasolina ekoizteko "gastatzen dena ordaindu ahal izateko modu bakarra" baita.
Venezuelako estatuburuaren arabera, Venezuelako ibilgailuen % 30k bakarrik erabiltzen dute erregai mota hori.
Maduroren hitzetan, "gerra geopolitiko baten eraginez amildu da petrolioaren prezioa". Beherakada horrek Venezuelak hainbat urtez petrolioarekiko izan duen politika aldatzea ekarri du, baina "egoera horrekin ere, Venezuelako Gobernuak gizarte laguntzei eutsi die", esan du. Hala, garestitzeari esker lortuko diren diru-sarreren % 30 garraiobide publikoei laguntzeko erabiliko du Exekutiboak.
Munduko gasolina merkeena dute Venezuelan. Argazkia: EFE
Dirua debaluatzea ere erabaki du Madurok. Dolar bat eskuratzeko 10 bolivar beharko dira aurrerantzean (orain arte, 6,30 behar ziren); beraz, bere balioaren % 59 galduko du.
Azkenik, "enplegua eta soldatak babesteko", oinarrizko soldata % 20 igoko du Madurok, eta jakiak erosteko bonua % 2,5.
Zure interesekoa izan daiteke
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.
NATOk Trumpi erantzun dio aliatuek laguntza eskaini diotela Ormuzerako
AEBko presidenteak ohartarazi zuen Aliantzak “oso etorkizun makurra” izango duela aliatuek itsasartea desblokeatzen laguntzen ez badute. Erresuma Batuak adierazi du “plan kolektibo bat” lantzen ari dela eremurako, eta EBk Atzerri ministroak bildu ditu auzia aztertzeko.