David Cameronek ekainaren 23rako iragarri du EBri buruzko galdeketa
Erresuma Batuak ekainaren 23an egingo du Europar Batasunean jarraitu ala ez erabakitzeko erreferenduma, David Cameron Erresuma Batuko lehen ministroak gaur iragarri duenez.
"Herritarrek Europaren inguruko erabakia har dezaten ekainaren 23an, osteguna, erreferenduma egitea proposatuko diot Parlamentuari", azaldu du lehen ministroak. "Gure bizitzetako bozketa garrantzitsuenetako baten aurrean gaude", nabarmendu du Cameronek.
Hala iragarri du David Cameronek, Erresuma Batuak eta Europar Batasunak lorturiko adostasunaz haren gobernuko kideekin egindako bileraren ondotik.
Cameronek jakinarazi duenez, Erresuma Batua Europar Batasuneko kide izaten jarraitzea aholkatu du, aho batez, Ministroen Kontseiluak. Izan ere, Erresuma Batuak Europar Batasunean jarraitzearen aldeko kanpaina egitea hitz eman zuen Cameronek erreformen truke.
Europar Batasunaren eta Erresuma Batuaren arteko akordioa
Europar Batasuneko estatuburuak eta gobernuburuak ados jarri ziren atzo, Erresuma Batuak estatus berria izan dezan komunitate horren baitan. Trukean, David Cameron Erresuma Batuko lehen ministroak Europar Batasunean jarraitzearen aldeko kanpaina egingo du. Ituna ez da indarrean sartuko Erresuma Batuak erreferenduma egin eta Europar Batasunean jarraitzeko borondatea agertu arte.
Estatus berriari esker, Londresko Gobernuak eskumen gehiago izango ditu; esate baterako, Erresuma Batuan lan egiten duten etorkin europarrei soldata-osagarriak kendu ahal izango dizkie, zazpi urtez jarraian.
Gainera, behargin komunitarioei seme-alabak izateagatik emandako laguntzak mugatu ahal izango dituzte, adingabea Erresuma Batuan bizi ez bada. Neurri honek ez du atzeraeraginezko izaera izango. Iritsi berriei aplikatuko zaie, eta, 2020. urtetik aurrera, baita bertan bizi direnei ere.
zi direnei ere.Zure interesekoa izan daiteke
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik preso politikoak hartzen ditu barne -chavismoa boterera iritsi zenetik honakoak-, eta giza eskubideen urraketa larriengatik auzipetuak edo zigortuak daudenak kanpo uzten ditu. Orain kontsulta prozesua zabalduko da eta, ondoren, bigarren eztabaida batean onartu beharko da.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.