Erresuma Batuak EBtik alde egitea babestuko du Londresko alkateak
Erresuma Batuak EBtik alde egiteko kanpaina egingo duela iragarri du gaur Boris Johnson Londresko alkateak. Erabakia ?bihotzeko atsekabe handiarekin? hartu duela esan du.
Johnson David Cameron lehen ministroaren Alderdi Kontserbadoreko kidea da. Cameron EBn jarraitzearen alde agertuko da, Bruselarekin akordioa lortu ondoren. Erreferenduma ekainaren 23an egingo dute.
?Harreman berri bat ikusi nahi dut, oinarrian merkataritza eta lankidetza gehiago eta nazioz gaindiko elementu gutxiago dituena. Hori da abiapuntua, eta horregatik hartu dut erabaki hori, bihotzeko atsekabe handiarekin, egin nahi nuen azkena Cameronen edo Gobernuaren aurka egitea zelako, baina beste aukerarik ez dudala uste dut?, adierazi du.
?Herri honetako jendearentzat akordio hobea nahi dut, dirua aurrez dezaten eta kontrola berreskura dezaten; izan ere, horretaz ari gara?, esan du alde egiteko kanpainaren alde zergatik egingo duen azaltzeko, The Guardian egunkariak jakitera eman duenez.
?Bi munduetako onena?
Erresuma Batuko Gobernuak horri erantzunez azaldu duenez, Gobernuak ?britainiar guztiek bi munduetako onena izatea nahi du: EBko kide izateak eragin ditzakeen lanen eta inbertsioen abantaila guztiak, euroan egoteak eta mugak zabaldu behar izateak eragin ditzakeen desabantailarik gabe?.
Londresko alkatea izateaz gain, Parlamentuan diputatua ere bada Johnson, eta horren aurretik Gobernuko sei ministro agertu dira EBtik alde egitearen alde.
Albiste gehiago mundua
Corbieres mendiguneko sute handia egonkortzea lortu dute, Frantziako hegoaldean
Asteartean piztu zen, eta pertsona bat hil du, sugarrek setiatuta bere etxea uzteari uko egin zion emakume bat. Sutea 1949. urtetik Frantziak jasan duen larriena da.
Hamas: "Netanyahu gerra kriminalak nahi duena genozidio estrategiarekin aurrera jarraitzea da"
"Netanyahuk erasoa zabaltzeko dituen asmoek, zalantzarik gabe, gatibuak gainetik kendu eta sakrifikatu nahi dituela berresten dute, bere interes pertsonalak eta muturreko agenda ideologikoa asetzeko", ohartarazi du erakunde palestinarrak.
Netanyahuk esan du ez dutela Gaza anexionatuko, baina lurralde palestinarraren erabateko kontrola bereganatuko dutela
Israelgo lehen ministroaren esanetan, "segurtasunagatik" egiten dute, eta "geroago" gobernua "indar arabiarren" esku utziko luketela.
Frantziako hegoaldean piztutako suteak jadanik "ez du aurrera egiten", baina oraindik ez dago kontrolpean
Corbieres mendigunean asteartean piztutako sutea 1949. urtetik Frantziako Estatuan izan den handiena da, 16.000 hektarea baino gehiago kiskali baititu. Christian Pouget Aude departamenduko prefetak ohartarazi du oraindik ikusteke dagoela hektarea horietatik zenbat diren nekazal lursailak. "Uste dugu 900 hektarea inguru direla", esan du, lehen estimazio batean.
Arabiar Emirerri Batuek bi buruzagien arteko bilera hartzea proposatu dio Putinek Trumpi
Bestalde, Errusiako presidentea prest agertu da Zelenskirekin batzartzeko. "Askotan esan dut ez dudala ezer kontra", adierazi du Putinek, baina gaineratu du "baldintza batzuk" sortu behar direla bilera hori egiteko, eta, bere ustez, hori betetzetik "urrun" daude.
Netanyahuk Gaza osorik bereganatu eta milioi bat palestinar inguru lekualdatu nahi ditu bost hilabetean
Israelgo lehen ministroak Segurtasun kabinetea bilduko du gaur arratsaldean, Gaza erabat okupatzeko duen asmoaz jarduteko, eta Jerusalem egunkariak dagoeneko xehetu du bileran aztertuko duten proposamenetako bat.
Trumpen muga-zerga berriak indarrean sartuta, hauspotu egin da gerra komertziala
Gaurtik, oro har, % 15eko muga-zergak ezarriko dira Estatu Batuen merkataritza-bazkide gehienen produktuen gainean, tartean, Europar Batasunekoen gainean.
Putin eta Trump datozen egunetan bilduko dira, Kremlinen arabera
AEBko presidenteak, bestalde, esan du azken bileran ez zela "aurrerapauso erabakigarririk" eman, eta adierazi du Errusiak ez duela amore eman.
Albiste izango dira: Trumpen muga-zergak, alertak beroagatik eta Edurne eta Zeledon Txikiren jaitsiera
Gaurkoan albiste izango direnen laburpena, bi hitzetan.
Washingtonek Mosku zigortzeko asmoa du, Putinen eta Witkoffen arteko bilera "emankorra" izan dela onartu arren
Zigorra ostiralean bertan ezartzekotan dago Trump. Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko inoren asmoa kentzeko. Ildo horretan, Trumpek agindu bat sinatu du Indiako produktuen gainean % 25eko muga-zergak ezartzeko, Errusiako petrolioa erosten du eta. AEBko agintariak Putinekin datorren astean biltzeko asmoa du.