Aske utzi dute Lula da Silva, hiru orduko galdeketaren ostean
Luiz Inácio Lula da Silva Brasilgo presidente ohia aske utzi dute 'Lava Jato' auziaren barruan deklaratu eta gero. Auzi horrek Langileen Alderdiari lotutako ustelkeria- eta diru-zuriketa sarea ikertzen du. Alderdi horretakoak dira Lula zein Brasileko egungo presidente Dilma Rousseff.
Polizia Federala goizean goiz bertaratu da Lulak Sao Bernardo do Campo herrian (Sao Paulo) duen etxean, eta atxilotuta eraman dute galdeketa egiteko asmoz.
Polizia-etxean hiru ordu igaro eta gero, aske geratu da, tokiko komunikabideek jasotzen dituzten Poliza iturrien arabera.
Elkarretaratzeak goiz guztian zehar egin dira, eta Poliziak Lularen aldekoen eta kontrakoen arteko liskar batean esku hartu behar izan du.
"Ustelkeria-sarearen onuradun nagusi"
Brasilgo Fiskaltzak Lula da Silva identifikatu du Petrobras estatuko petrolio konpainiaren inguruko "ustelkeria-sarearen onuradun nagusi" gisa, bai higiezinen bidez, bai bere fundazioari egindako dohaintzen bidez, besteak beste.
Ohar baten bidez jakitera eman duenez, "azpijokoaren onuradun nagusienetakoa izan zela dioten frogak daude", froga horiek "dokumentu zein lekuko bidezkoak dira". Horren adierazle bezala jarri du Guarujako (Sao Pauloko estatua) luxuzko etxebizitza baten berriztatzea, Atibaiko finka bat eta hainbat enpresak egindako ordainketak "ustezko dohaintza eta emandako mintzaldien ordainsari gisa".
Carlos Limak azaldutakoaren arabera, Lula Institutuak jasota dohaintzen % 60 ikerketapean dauden bost enpresa nagusienetatik datoz, eta mintzaldien truke jasotako ordainsarien % 57 konpainia horiei beroriei dagozkiela. Hala plazaratu du Folha egunkariak.
Zure interesekoa izan daiteke
Rafahko pasabidea bihar zabalduko dute, Israelek zehaztu duenez
Gazako Zerrenda eta Egipto lotzen dituen pasabidea gaur irekiko zutela iragarri arren, prozesuaz arduratzen den erakunde militarrak argitu du "atariko prestaketen fase pilotu bat" egiten ari direla, eta palestinarrak ezin direla oraindik bertatik igaro. 16.500 gazatarrek baino gehiagok premiazko osasun arreta behar dute, baina egunero 150 baino ezingo dira mugatik igaro.
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.
Epsteinekin lotutako hiru milioi orrialde argitaratu ditu Trumpen Gobernuak, tartean 2.000 bideo eta 180.000 irudi
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.
Milaka zuzik Eskoziako Lerwick herriko kaleak argitu dituzte Up Helly Aa jaialdi bikingoan
Jaialdi hau urtero ospatzen da Eskoziako Shetland uharteetan, Gabonetako denboraldiaren amaiera ospatzeko. Ekitaldirik ikusgarriena Lerwickeko kaleetan zehar egiten den zuzi-prozesioa da, bikingoen itsasontzi baten erreplika bati zuziak jaurtita amaitzen dena.