Turkiarekin itxitako akordioa eta Balkanetako ibilbidea, mahai gainean
Errefuxiatuen krisia konpontzeko irtenbideen bila jarraituko dute gaur Europar Batasuneko Barne ministroek. Greziara heltzen diren legez kanpoko etorkin guztiak, siriarrak tartean, Turkiara erbesteratzeko, Ankararekin adostutako aurreakordioa praktikara nola eraman aztertuko dute buruzagiek.
Itunak gobernuz kanpoko erakundeen eta agentzia humanitarioen kritikak jaso ditu eta nazioarteko eragileek akordioa kezkarekin hartu dute. Besteak beste, Nazio Batuen Errefuxiatu Agentziak (ACNUR) kezka agertu du. Hala, etorkin eta errefuxiatuak kanporatzeko egitasmoa legezkoa eta Genevako Konbentzioarekin bateragarria ote den zalantzan jarri du ACNURek.
Bruselak eta EBko gobernuek, aldiz, “legezko” neurri bat dela uste dute. Erakunde horien hitzetan, Europako eta nazioarteko zuzenbidea betetzen du egitasmoak. Gai juridikoak eta teknikoak “argitzeko”, datozen egunetan egingo dituzten bilerek argi utziko dutela ziurtatu dute.
Greziatik sartzen diren etorkin eta errefuxiatu guztiak Turkiara erbesteratzea aurreikusten du planak. Kanporatu bakoitzeko errefuxiatu bat Turkiatik EBra ekartzeko konpromisoa hartu du Bruselak.
Ez da erabakirik espero
Ministroen eztabaida hasierako azterketa bat baino ez da izango; izan ere, ez da erabakirik espero. Akordioaren xehetasunak ixteko negoziazioak Donald Tusk Kontseiluko presidentearen taldea zuzentzen ari da.
Helburua martxoak 17 eta 18ko goi-bilera baino lehen zalantzak argitzea da. Ahmet Davutoglu Turkiako lehen ministroak goi-bilera horretan parte hartzea espero da.
Bestalde, Balkanetako ibilbidea ixteko iragarpenak izango duen eragina eztabaidatuko dute ministroek, Esloveniak Kroazia, Serbia eta Mazedoniarekin bat egin ondoren: ez ditu etorkinak sartzen utziko.
Albiste gehiago mundua
Aitor Zabalgogeazkoa: "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.
Trumpek Armada zabalduko du Washingtonen, eta Poliziaren kontrola bereganatu du
Agintari errepublikanoak krimenengatik kontroletik kanpo dagoen hiriburu baten irudia marraztu du Etxe Zurian egindako agerraldian. Hilketak "munduko okerrenak" diren lekuetan, Bogotan eta Mexiko Hirian, esaterako, baino askoz gehiago direla adierazi du.
Duela 66 urte Antartikan desagertutako zientzialari baten gorpua aurkitu dute
Gorpuzkiak Dennis "Tink" Bell meteorologoarenak dira, 1959an pitzadura glaziar batera erori zen 25 urteko britainiar meteorologoarenak.