Blokeoak Kubaren oztopo handiena izaten jarraitzen du, esan du Castrok
Raul Castro Kubako presidenteak Ameriketako Estatu Batuekin harremanak normaltzeko prestutasuna berretsi egin du, Barack Obama AEBko presidentearekin egindako agerraldi batean. Halere, azpimarratu du blokeoa dela Kubaren garapenerako oztopo nagusia oraindik ere.
"Berretsi egiten dut elkarbizitza zibilizatuaren artea abiarazi behar dugula, horrek ezberdintasunak errespetatzea eta onartzea ekartzen du, ez horiek gure harremanaren muin egin", esan du Raul Castrok.
Gainera, gogorarazi duenez, bi herrialdeen arteko harremanak sendotzeko asmoa agertu zutenetik 15 hilabete igaro eta gero, biek aurrera egin dute hainbat gauzatan, esaterako, posta zerbitzua zuzena berrezarri dute eta datorren udazkenean zuzeneko hegaldiak ere egingo dituzte, besteak beste.
"Askoz gehiago egin zitekeen Estatu Batuek egindako blokeoa bertan behera utziko balute", nabarmendu du presidente kubatarrak. Halere, Obama presidentearen prestutasuna eta Kongresuari egindako eskaerak, aipatutako neurria onartzeko, goraipatu ditu.
Horren ildotik, Washingtonek abiarazitako azken neurriak "positiboak" direla adierazi du Raul Castrok, baina "ez dira nahikoak izan".
"Blokeoak indarrean jarraitzen du eta eragin negatiboak dauzka mugetatik harago", esan du Castrok. Horren harira, neurri horien "ondorio latzen" adibideak erakutsi dizkio kubatarrak Obama presidente estatubatuarrari.
Raul Castrok, era berean, Guantanamo Itsas Baseko eremua itzultzea eskatu dio, hori baita, blokeoarekin batera, harremanak erabat normaltzeko oztopoak.
Horrez gain, Raul Castro ukatu egin du Kuban preso politikoak daudela.
Kazetari batek giza eskubideen inguruan egindako galdera baten harira, Obamak esan du ?atxiloketa arbitrarioak? pairatu dituzten pertsona batzuekin bildu dela.
Adierazpen horren aurrean, Castrok, urduri, preso politikorik ez dagoela esan du. ?Ze preso politiko? Emai iezazkidazue izenak orain edo bileraren ostean eman balizko preso politikoen zerrenda hori eta hala bada egun bukatu orduko libre geratuko dira?, azpimarratu du.
Obama, 'Che'ren irudia atzean duela Habanan, irudi historiko batean. Argazkia: EFE
Bestalde, Barack Obama AEBko presidenteak baieztatu duenez, "Kubaren etorkizuna ez du AEBk ez bestelako herrialderik erabaki behar", baina ohartarazi egin du bere herrialdeak jarraituko duela aldarrikatzen Kubako herriak etorkizuna erabakitzeko eskubidea.
"Kubako etorkizuna kubatarrek erabaki behar dute, ez beste inork", azpimarratu du Obamak Raul Castrorekin bi ordu baino gehiago bilduta egon eta gero.
Raul Castrok Barack Obama hartu du gaur Habanako Iraultzaren Jauregian, aldebiko bilera egin bano lehen, bi herrialdeen arteko elkarrizketak berrezarri zirenetik hirugarrena, baina lehenengoa Karibeko irlan.
Raul Castrok eskua eman dio Obamari Kubako Gobernuaren egoitzan, eta irribarretsu agertu dira argazkilarien aurrean.
Ondoren, harrera ekitaldi ofiziala egin dute, eta Kubako eta AEBko ereserkiak entzun dituzte, serio, banderak gora igota.
Protokolozko ekitaldiaren ostean, Kubako presidenteak Obamaren Gobernuko hainbat kide agurtu ditu, tartean John Kerry Estatu idazkaria, Penny Pritzker Merkataritzakoa eta Tom Vilsack Nekazaritzakoa tartean. Horiek izan dira, hain justu, Obama baino lehenago Kuban egon direnak harremanak berrezarri zirenetik.
AEBko presidenteak, berriz, Miguel Diaz-Canel Kubako lehen presidenteordea, Bruno Rodriguez Kantzillerra eta Josefina Vidal Atzerri Ministerioko Ipar Amerikarako zuzendaria agurtu ditu, besteren artean.
Obama atzo Habanara iritsi zenetik, Kubako eta AEBko presidenteek egin duten lehenengo batzarra da.
Zure interesekoa izan daiteke
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.