Gas negar-eragileak Idomenin, hainbat errefuxiatu sakabanatzeko
Mazedoniako Poliziak gas negar-eragileak erabili ditu Idomenin, aipatu errefuxiatu-esparruaren hesian bildu diren 500 bat errefuxiatu sakabanatzeko, Greziako mugan. Hala eman dute jakitera Reuters albiste-agentziako hainbat lekukok.
Istiluek zurrumurru bat izan dute abiapuntu; izan ere, esparruan eskuz idatzitako liburuxka bat banatu zuten, non esaten zitzaien errefuxiatuei hesiaren aurrean biltzeko, muga irekiko zutelakoan.
Mazedoniako Poliziak hainbat manifestariri hori ez zela gertatuko azaltzen zien bitartean, beste batzuk hasi zitzaizkien harriak botatzen segurtasun indarrei; agenteek gas negar-eragileak erabiliz erantzun zuten.
Agenteak, euren burua defendatzeko
Greziako Poliziaren iturriek aitortu dute hasiera batean "tentsio-uneak" izan direla, bestelako xehetasunik eman gabe, baina gerora Mazedoniako agintariek baieztatu dute istiluak izan direla eta aseguratu dute agenteek euren burua defendatzeko jardun dutela.
Argazkia: EFE.
"Poliziari harriak bota dizkiote, eta agenteek, erantzuteko, gas negar-eragileak erabili dituzte", Mazedoniako iturri ofizialen arabera. "Hesiaren aurka ari ziren, Greziako aldetik, baina hesiak hor darrai, ezin izan dute sartu", azaldu dute.
Liskarren ondorioz, 300 bat lagun artatu behar izan dituzte medikuek, arnas arazoek jota edo zaurituta. Mugarik Gabeko Medikuak GKEaren arabera, gas negar-eragileak jota, 200 bat lagun kutsatu dira, beste 30 batek pilota-talka jasan dute, eta beste 20 bat oro har zauritu dira.
Horietatik, zazpi Kilkiseko ospitalera eraman behar izan dituzte. Lau jada kanpalekura itzuli dira, eta gainerako hirurak ez daude larri, ospitaleak jakinarazi duenez.
"Gaur, hesia zeharkatuko dugu, ala hilko gara"
Goizean goiz protesta bat izanda. Hainbat errefuxiatu bildu dira hesiaren ondoan, "hesia zeharkatuko dugu, ala hilko gara" oihukatuz. Tentsioa sortu da, eta, azkenean, istiluak hasi dira. Russa Today Errusiako agentziako hainbat kazetarik eman dute guztiaren berri.
Zenbait GKEk salatu dutenez, Mazedoniako Poliziak indarkeria erabili izan du Idomeniko errefuxiatu-esparruan. Mugarik gabeko Medikuak erakundeak dituen hainbat mediku-zentroko gaixo batzuek aseguratzen dute herrialde horretako segurtasun indarrek tarte batean bahitu dituztela, esparrutik gertu eta hutsik dauden eraikin jakin batzuetan, non hainbat orduz agurtu dituzten.
Zonaldean lanean dagoen Alvaro Saiz boluntarioak eitb.eus-i jakinarazi dionez, arratsaldean zehar liskarrei eutsi dizkiete 200 bat lagunek osatutako talde batek eta Poliziak. Litekeena da bihar eraso berria egotea, eta errefuxiatuak hesia gainditzen saiatzea berriro ere. Hori dela eta, zauritu gehiagoren beldur dira bertako boluntarioak.
o boluntarioak.Zure interesekoa izan daiteke
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuek bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.