Aita batek duela 12 urteko tsunamian galdutako alaba idoro du
Sri Lankako auzitegi batek aita bati 14 urteko bere alabaren zaintza aitortu dio. Alaba galduta egon da 2004an Indonesiako Sumatra uhartearen aurrean izandako 9,1 graduko lurrikararen eraginez sortu zen tsunamiak Sri Lanka kolpatu zuenetik. Tsunami horren ondorioz 30.000 pertsona hil ziren.
Herrialdearen ekialdean dagoen Kalmunai hiriko epaileak gizonaren (M. Mowlana) aldeko epaia eman du, nahiz eta neskatoaren zaintzaren lehian beste bi emakume ere ari ziren. Hala plazaratu du gaur Daily Mirror tokiko erakundeak.
Mowlanaren esanetan, 2004ko abenduaren 26ko olatu erraldoiak eraman zuen herrestan bere alaba, hondartzatik kilometro eskasera zegoenean.
Gertakaria jazo eta handik egun gutxira norbaitek bere alaba ospitale batetik eraman zuela jakin zuenetik haren bila ibili da aurkitzerik lortu gabe.
Aitak dagoeneko galduta zeukan esperantza, baina urtarrilean alabari buruzko informazioa jaso zuen, eta, horren gainean ikertu eta gero, Justiziaren aurrean aitatasun-eskubideak erreklamatzea erabaki zuen.
2004ko tsunamiaren poderioz, 226.408 lagun hil ziren Indiako ozeanoko 12 herrialdetan zehar. Gehienak Indonesian (126.915 hildako eta 37.063 desagertu), Sri Lanka (31.000 hildako baino gehiago) eta India (11.000 hildako).
Zure interesekoa izan daiteke
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.