FARC, borroka armatutik politikara
FARC Latinoamerikako gerrilla jendetsu eta indartsuenak urrats historikoa eman du, Kolonbiako Gobernuarekin hitzartutako bake-itunaren baitan armak utzi eta politikarako bideari ekin ostean. Gerrillaren Hamargarren Batzar Nazionalaren baitan hartutako erabakia espero zen arren, oso garrantzitsua izan da, taldeak armei uko egitea dakarrelako.
FARC sendoen zegoen urtean (2002), 20.000 soldadu baino gehiagok osatzen gerrilla. Orduan, gerrillariek Andres Pastrana presidentearekin (1998-2002) izandako hartu-emanak aprobetxatu zituzten indartzeko. Gobernuak Caqueta eta Meta eskualdeen artean desmilitarizatuta zuen 42.000 kilometro karratuko eremua erabili zuten horretarako, eta San Vicente del Caguan herrian negoziatu zuten.
Leku berberean amaitu dute orain talde armatu gisa egindako azken batzarra, los Llanos del Yari sabana erraldoiean. Habanan negoziatutako gatazkaren amaiera-hitzarmena adostu dute, eta irailaren 26an sinatuko dute Cartagena de Indiasen.
Honela bukatu dute batzarreko adierazpena: "Gure egitura politiko-militarraretik alderdi politiko berri batera egin beharreko bidea martxan jartzeko prestakuntza abiatzea erabaki dugu. Adostutako akordioak betez gero, 2017ko maiatzerako alderdia osatuta izatea espero dugu".
Politikarako bidea
Rafael Silva Caliko Icesi Unibertsitateko analistaren aburuz, borroka armatutik politikara egin beharreko bidea prozesu luzea izango da. Izan ere, irailaren 27aren ondoren, 180 eguneko epea hasiko da armak utzi eta gerrillariak Gobernuak ezarritako bilera-guneetara joan ahal izateko.
Nazio Batuen Erakundeak gidatuko du nazioarteko komunitatearen egiaztatzea prozesua. Armak bildu eta gorde ondoren, suntsitu egingo dituzte, material horrekin bakeari eskainitako hiru monumentu eraikitzeko: Kolonbian, Kuban eta New Yorkeko NBEren egoitzan, hain zuzen.
Desarmea prozesu osoaren hasiera izango dela berretsi du Kolonbiako Gobernuak, eta ez dela "politika armaturik" egongo adierazi du, ezta "bake armaturik" ere. Horrez gain, FARCek oraindik ezagutzeke dagoen alderdi politiko berri batekin konformatu beharko duela nabarmendu du.
Zure interesekoa izan daiteke
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.