Malaysiako abioia Ukrainatik jaurtitako misil errusiar batek jo zuen
Malaysia Airlines konpainiaren MH17 hegazkina 2014ko uztailaren 17an erori zen Ukraina ekialdean. Holandako Fiskaltzak gaur jakinarazi duenez, Errusiako Buk sistemako misil batek jota erori zen eta misila Ukrainako zonalde independentistatik jaurti zuten.
Gertakaria argitu nahian ari den nazioarteko ikerketa taldearen arabera, Pervomaysk izeneko herritik hurbil dagoen zelai batetik jaurti zuten misila. Garai horretan zonalde hori matxino errusiazaleen esku zegoen.
Eraso hartan hegazkinean zihoazen 298 pertsona hil ziren. Horietako 196 holandarrak ziren, 27 australiarrak, 44 malaysiarrak eta bat Zeelanda Berrikoa, besteak beste.
Nazioarteko ikerketa taldea Holanda, Australia, Belgika, Malaysia eta Ukrainako adituek osatzen dute.
Independentistek gezurtatu egin dute
Ukrainako independentista errusiazaleek, berriz, ukatu egin dute nazioarteko ikerketa taldeak esandakoa, eta hegazkina eurek bota ez zutela azpimarratu dute.
“Gure armategian ez dugu horrelako sistemarik, ezta misil horiek jaurtitzeko aditurik. Beraz, guk ez genuen hegazkina behera bota”, adierazi du Eduar Basurin Donetskeko errepublikako bozeramaile militarrak.
Horrez gain, gogora ekarri du independentista ukrainarrek ez zutela inolako arrazoirik bidaiari betetako hegazkinari eraso egiteko. “Erokeria da hori. Zergatik bota behar genuen hegazkina?”, erantsi du.
Ildo horretan, Basurinek nabarmendu du Ameriketako Estatu Batuek inoiz ez dituztela erakutsi ustezko erasoaren irudiak erakutsi, satelite bidez grabatu zituztela esan arren.
Zure interesekoa izan daiteke
2040rako CO2 isurketak % 90 murriztea adostu dute EBko herrialdeek, baina malgutasunez
EBko herrialdeetako ministroek adostutako helburu lotesle horri esker, atzerriko karbono-kredituak erosi ahal izango dira isuriak murrizteko helburuaren betetzeko (% 5). Brasilen izango den COP30 Klima Aldaketari buruzko Nazio Batuen Goi-bilera hasi baino ordu gutxi batzuk lehenago egin dute akordioa.
Albiste izango dira: Zohran Mamdaniren garaipena New Yorken, Donostiako masajistaren aurkako epaia eta Dani Alvarezek Euskal Kazetarien Saria jasoko du
Gaurkoan Orain-en albiste izango direnen laburpena, bi hitzetan.
Nor da Zohran Mamdani, Trumpen amesgaizto berria?
34 urterekin, Mamdani alderdi demokrataren barruko olatu aurrerakoia, kultura aniztasunaren aldekoa eta ezkerzale berriaren izarra da. New Yorkeko alkate berriak boto gazte eta multikulturala bereganatzea lortu du, etxebizitza eskuragarrian eta ezker demokrataren berrikuntzan oinarritutako mezuari esker.
Mamdanik hauteskundeak irabazi ditu New Yorken eta "gizadiarentzat hobea den egun baten egunsentia" agindu du
Zohran Mamdani demokrata New Yorkeko historiako lehen alkate musulmana izango da, botoen % 50 baino gehiago eskuratuta. "Hiri berpiztu bat" gidatuko duela eta "islamofobia eta antisemitismorik gabe" denontzat gobernatuko duela agindu du.
Dick Cheney AEBko presidenteorde ohia hil da, 84 urterekin
George W. Bushen Gobernuko bigarrena Defentsa Saileko buru ere izan zen, eta garai batean Alderdi Errepublikanoaren zutabeetako bat.
Zohran Mamdani, New Yorkeko eraberritze aurrerakoia gorpuzteko prest dagoen gizona
34 urterekin, Mamdanik Alderdi Demokratako olatu aurrerakoi, kulturaniztun eta ezkertiar berria irudikatzen du, eta astearte honetako New Yorkeko Alkatetzarako hauteskundeak irabazteko faborito argia da. Bere alderdiko liderren babes argirik ez duen arren, ezkerrera biratu eta izaera sozialeko politika publikoen egarri diren gazteen babesa du.
500 milioi haur baino gehiago bizi dira gatazka armatuen eremuetan
Save the Children gobernuz kanpoko erakundearen arabera, 2024an 520 milioi adingabe baino gehiago bizi ziren gatazka-guneetan. Afrika da eskualde kaltetuena: kontinente horretako haur guztien % 32 indarkeria armatuaren eraginpean bizi dira. 2024an, egunero, batez beste, 78 haur erailketen, bahiketen, sexu-erasoen eta mutilazioen biktima izan ziren, besteak beste.
‘Melissa’ urakanak Jamaikan eragindako suntsipena
Melissa urakanak suntsipena eragin du Jamaika uhartean, eta gutxienez 28 hildako dira jada. Urakanak "aurrekaririk gabeko" hondamendia eragin duela adierazi dute Jamaikako agintariek. Horrela geratu da uhartea, Melissaren astinduaren ondoren.
6,3 graduko lurrikara batek Afganistan iparraldea astindu du
Lurrikararen ondorioz, 27 hildako eta 700 zauritu baino gehiago izan dira, baina bilaketa- eta erreskate-lanek aurrera jarraitzen dute, eta ez da baztertzen datozen orduetan hildakoen kopuruak gora egitea.
Trumpek esan du ez duela uste AEBk Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".