Fidel Castro hil da, azken komandantea
Fidel Castro Kubako buruzagi historikoa hil da, 90 urterekin. Raul Castro anaiak eman du albistearen berri, Kubako telebistan egin duen agerraldi berezian. "Min handiz nator herriaren aurrera, Amerikako eta munduko lagun guztiei jakinaraztera Fidel Castro Ruz Kubako Iraultzaren komandante burua hil dela 22:30ean (Euskal Herrian 04:30ean)". Oso hunkituta egin ditu hitzok Kubako egungo presidenteak.
Fidelek berak hala eskatuta, erraustu egingo dute gorpua. Fidel Castro agurtzeko ekitaldiak datorren astelehenean hasiko dira eta abenduaren 4a bitarte luzatuko dira. Agintariaren heriotza dela eta, bederatzi eguneko dolu aldia ezarri du Kubako gobernuak (azaroaren 26ko goizeko seitatik abenduaren lauko eguerdiko hamabietara).
?Doluak irauten duten bitartean ez da ikuskizun edo ekitaldi publikorik izango eta Kubako bandera masta erdian egongo da eraikin publiko eta militarretan?, iragarri du Kubako gobernuak ohar batean.
Astelehenean, Castro agurtzeko ekitaldia egingo dute Habanako Jose Marti Erreboluzioaren enparantzan. Hurrengo egunean, asteartean, Fidel Castroren errautsak Santa Ifigeniara eramaten hasiko dira. Abenduaren 3an helduko dira bertara errautsak.
Fidel Castroren errautsak abenduaren 4ean hobiratuko dituzte Santa Ifigeniako hilerrian.
Vietnamgo presidentearekin
Joan den azaroaren 15ekoa da Fidel Castroren azken irudia, Tran Dai Quang Vietnamgo presidentea bere etxean hartu zuenekoa. Abuztuaren 13an bete zituen 90 urte, eta egun horretan hartu zuen parte bere azken ekitaldi publikoan, Habanako Karl Marx antzokian. Anaia alboan zuela agertu zen, txandal zuri bat soinean, itxura ahularekin. Nicolas Maduro Venezuelako presidentearekin batera agertu ziren Castro anaiak.
Abuztutik mundu osoko agintariak igaro dira Fidelen habanako etxetik; horien artean, Hasan Rohani Irango presidentea, Marcelo Rebelo de Sousa Portugalgo burua, Shinzo Abe Japongo lehen ministroa eta Abdelmalek Sellal Arjeriako buruzagia.
Kubako Alderdi Komunistaren XVII. Batzarra egin zen apirilean, eta Fidel Castrok parte hartu zuen. Bere pentsamendu komunista berretsi zuen jarraitzaileen aurrean, eta bere diskurtsoan agur hitzak ikusi zituzten askok.
"Denei iritsiko zaigu gure ordua, baina Kubako komunisten ideiek argi erakutsi dute, mundu honetan gogoz eta duintasunez lana eginez gero, gizakiak behar dituen aldaketa materialak eta kulturalak etor litezkela. Hori lortzeko borroka egin behar dugu etenik gabe", esan zuen Fidel Castrok.
Erreakzioak
Fidel Castroren heriotzak erreakzio ugari sortu du nazioartean. Latinoamerikako agintariak izan dira lehenak hitz egiten, lider kubatarraren heriotza dela eta.
Zure interesekoa izan daiteke
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.