NATOrekiko konpromisoari eusten diola adierazi du AEBk
Mike Pence Ameriketako Estatu Batuetako presidenteordeak bere nazioarteko lehendabiziko mintzaldia eman du gaur Municheko Segurtasun Biltzarraren barruan. Bertan NATOrekin izango duen harremanaren zertzelada nagusiak adierazi ditu, eta, esan duenaren arabera, NATOren ekintzak babesteko asmoa dauka, baldin eta gainerako aliatuek euren ekarpena areagotzen duten.
"Honako hauxe da Trump presidentearen promesa: Europarekin batera egongo gara gaur eta beti, ideal zintzo berak baititugu: askatasuna, demokrazia eta legea", azaldu du.
Dena dela, Trumpek joan zen urtetik ahotan darabilen ideia nabarmendu presidenteordeak; izan ere, salatu duenaren arabera, AEBk, segurtasun lanei dagokienez, gehiegizko karga hartzen du bere gain Ipar Atlantikoko Tratatuaren Erakundean.
Beste alde batetik, nahiz eta AEBko presidenteordeak eskua luzatu dion Errusiari Trumpen administrazio berriak "Moskurekin lankidetzan aritzeko bide berrien" bila dabilela baieztatu ostean, aldi berean, Ukrainiaren inguruko bake-hitzarmenak errespeta ditzala eta indarkeria sustatzeari utz diezaiola ohartarazi dio Moskuri.
"Errusia bere ekintzen erantzule egiten jarraituko du AEBk, nahiz eta adostasunerako lekuen bila gabiltzan", jakinarazi du.
Islam biolentoa salatzea eskatu die agintari musulmanei Merkelek
Bere aldetk, Angela Merkel Alemaniako kantzilerrak ohartarazi duenez, "terrorismoaren arrazoia ez da islama bera, islamaren interpretazio okerra baizik". Era berean, agintari erlijioso islamiarrei eskatu die jihadismotik desberdintzeko eta urruntzeko.
Horrez gain, "egitura aldeaniztunak eta nazioartekoak" babestu ditu Merkelek, eta Europar Batasuna (EB), NATO, NBE eta G20 (herrialde garatuen taldea) aipatu ditu, "herrialde batek bakarrik konpon ezin ditzakeen gaur egungo erronkei" aurre egiteko tresna gisa.
Hala ere, Alemaniako kantzilerraren arabera, egitura aldeaniztun horiek ez dira "nahikoa eraginkorrak"; beraz, indartu eta hobetu egin behar direla nabarmendu du, "protekzionismoan eta isolamenduan" erori beharrean.
Eraberritu behar diren erakundeen artean, EBri egin dio batez ere erreferentzia. Besteak beste, moneta bakarra eraikitzerakoan eta mugimendu askeko eremuetan egindako akatsak onartu ditu.
NATOri dagokionez, gogoratu du Alemaniak aurrekontu militarra %2 gehitzeko konpromisoa hartu zuela 2014ean. Hori dela eta, Alemaniako Gobernuak "ahaleginak" egingo dituela baieztatu du, "helburu hori bete" nahi duelako.
Gainera, "oso kezkatuta" agertu da, Errusiak lurralde-osotasunaren printzipioa urratu duelako. Bere aburuz, printzipio horretan oinarrituta eraiki dira "segurtasuna eta bakea" Europan azken hamarkadetan.
n hamarkadetan.Zure interesekoa izan daiteke
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.