Theresa Mayk 'brexit'a abiarazi du
Theresa May lehen ministro britainiarrak 'brexit'a -Erresuma Batua EBtik irteteko prozesua- abiaraziko duen gutuna sinatu du dagoeneko, hedabideek zabaldu dutenez.
Eskutitza Donald Tusk Europako Batzordeko presidenteari igorriko diote Bruselan, Lisboako Itunaren 50. artikulua aplikatzea eskatuta.
Erresuma Batuko Gobernuak zabaldutako irudian ikus daitekeenez, gobernuburua Downing Streeteko 10. zenbakiko egoitzan agertzen da, gutuna sinatzen ari dela eta atzean bandera britainiarra duela.
Aurreikusi dutenez, eskutitza gaurko 13:30 aldera entregatuko dio Tim Barroy Erresuma Batuak EBn duen enbaxadoreak Tuski. Horrezkero, Mayk deklarazioa egingo du Parlamentuan eta, hitzaldian, EBtik irteteko negoziazioak abiatutzat emango ditu.
Era berean, May Gobernuarekin biltzea espero dute, Parlamentura joan baino lehen.
Gainera, Bruselarekin negoziatuko duen bi urteetan, Mayk "Erresuma Batuko pertsona bakoitza" eta EBko kide direnak ordezkatzeko emandako hitza azpimarratzea espero da, hedabideek aurreratu duten hitzaldiaren arabera.
May, agiri historikoa sinatzen. Argazkia: EFE
"Herrialde honetako pertsona bakoitzarentzat akordio egokia lortzea da nire erabaki irmoa. Egiteko daukagun bide garrantzitsu honen aukerei aurre egiten diegun bitartean, gure balore, interes eta nahiek bat egin gaitzakete, eta behar dute", azpimarratuko du lehen ministroak.
"Harro egoteko moduko historia eta etorkizun itxaropentsua duen pertsona eta nazioen batasuna gara. Eta EBtik alde egiteko erabakia hartu eta gero, bat egiteko ordua da", gaineratuko du.
Gutuna entregatzen dutenean, EBtik irteteko prozesuaren atzera kontua abiaraziko da eta, aurreikusi dutenez, 2019ko martxoaren 29an bukatuko da ibilbidea, negoziazioak bukatzen dituztenean.
Bestalde, Tuskek ere deklarazioa egitea espero da, baina bihar. Europako Batzordeko presidenteak, halaber, Erresuma Batuko negoziazioen ildoen zirriborroa bidaliko die EBko 27 kideei.
Ildoak, edonola ere, Bruselan apirilaren 29an egitekoa den 27en bileran zehaztuko dituzte.
Erresuma Batuak, hala EBren kide izateari uzteko prozesua martxan jarriko du gaur, britainiarrek horren alde bozkatu zutelako, iazko ekainaren 23an.
ekainaren 23an.Zure interesekoa izan daiteke
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.