Venezuelako oposizioa kandelekin atera da kalera protesta egitera
Oposizioak deituta milaka venezuelar atera ziren atzo, asteazkena, gauean kandelak eskuan zituztela Caracasen eta herrialdeko beste zenbait estatutan; aldi berean, Venezuelako Legebiltzar Nazionalak errefusatu egin zuen Nicolas Madurok ezarritako salbuespen egoera eta larrialdi ekonomikoa.
Hartara, Maduroren Gobernuaren aurkakoek Batasun Demokratikoaren Mahaiaren (MUD) deialdiarekin bat egin zuten, eta bi orduz omendu zituzten, kandelak eskuetan zituztela, Gobernuaren kontrako protestatan hildakoak.
Besteak beste, Caracasen eta beste hainbat estatutan (Tachira, Carabobo, Zulia) egin zuten protesta.
Freddy Guevara Legebiltzarreko presidenteordeak adierazi zuenez, arratsalde-gau partean egindako elkarretaratzen horietan ez zen istilurik izan; hala ere, Caracaseko ekitaldiaren amaieran zenbait manifestarik Fancisco de Miranda etorbidea blokeatu zuten kamioi bat erabiliz, Efe agentziak egiaztatu ahal izan zuenez.
Venezuleako opozioaren manifestazioa Caracasen. Argazkia: EFE
Legebiltzar Nazionalak errefusatu egin du salbuespen egoera
Aldi berean, oposizioaren kontrolpean dagoen Venezuelako Legebiltzar Nazionalak saio bat egin du, eta, bertan, errefusatu egin du asteartean Nicolas Madurok onartu zuen salbuespen egoera eta larrialdi ekonomikoa.
Freddy Guevararen aburuz, asteartean onartutakoa 2016ko urtarriletik jadanik indarrean dagoen beste salbuespen eta larrialdi ekonomiko dekretuaren "pareko irrigarrikeria" da.
15 urteko adingabe bat hil da
Bestalde, dagoeneko 44 dira Venezuelako protestatan hildakoek; izan ere, atzo 15 urteko adingabe bat hil zen, asteartean Tachira estatuan egin zen manifestazioa batean tiro bat jaso ondoren. Dena dela, itxura denez, gaztea ez zen manifestazio horretan parte hartzen ari.
Tachirak eta Venezuelako beste zenbait estatuk istiluak eta Gobernuaren aurkako protesta handiak hartu dituzte azkenaldian. Horren aurrean, Maduroren Gobernuak Kolonbiarekin muga egiten duen Tachira estatua militarizatzea erabaki du Zamora Planaren bigarren fasea martxan jarrita.
Zure interesekoa izan daiteke
Liam Conejo haurra eta bere aita aske utzi dituzte eta Minneapolisen dira dagoeneko
Dilleyko zentrotik (San Antonioko hegoaldean, Texas) askatu dituzte aita-seme ekuadortarrak, Fred Biery epaile federalak larunbatean emandako agindua betez.
Drone errusiar batek 15 meatzari hil ditu Ukraina erdialdean
Energia sistemak helburu dituzten erasoak denbora baterako etenda egon beharko lirateke, AEBk, Errusiak eta Ukrainak adostutakoa betez gero. Muturreko hotza tarteko, ituna egin zuten hiru herrialde horiek, eta Kremlinaren arabera, gutxienez gaur arte iraun beharko luke meniak.
Rafahko pasabidea bihar zabalduko dute, Israelen arabera
Gazako Zerrenda eta Egipto lotzen dituen pasabidea gaur irekiko zutela iragarri arren, prozesuaz arduratzen den erakunde militarrak argitu du "atariko prestaketen fase pilotu bat" egiten ari direla, eta palestinarrak ezin direla oraindik bertatik igaro. 16.500 gazatarrek baino gehiagok premiazko osasun arreta behar dute, baina egunero 150 baino ezingo dira bertatik igaro.
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.