Maduroren kontrako protestak hasi zirenetik 66 pertsona hil dira Venezuelan
Nicolas Maduroren Gobernuaren kontrako protestak hasi zirenetik 66 pertsona hil eta mila bat zauritu dira Venezuelan. Oposizioak apirilaren 1ean antolatu zuen lehen manifestazioa, eta protesta jendetsu ugari egin dituzte azken asteotan. Alabaina, toki askotan liskarrak sortu dira manifestarien eta segurtasun indarren artean; izan ere, Venezuelako Guardia Nazionalak negar gasa erabili du herritarrak sakabanatzeko. Arrazoi horregatik, protesten aurrean erabilitako “errepresioa” behingoz desagerrarazteko eskatu dio oposizioak.
Atzo, asteazkena, 17 urteko mutil bat hil zen protestetan. Segurtasun indarrek negar eragiteko jaurtitako poto batek bularrean jota hil zela salatu du oposizioko diputatu batek, baina manifestariak prestatzen ari ziren lehergailu batek eskuan eztanda egin ziola esan du Venezuelako Komunikazio eta Informazio ministroak. Dena dela, haren heriotza ikertzeko fiskal bat izendatu duela jakinarazi du Ministerio Publikoak.
Fiskaltzak baieztatu duenez, adingabea Caracas hiriburuko Francisco Miranda etorbidean zegoela, “ezohiko zerbait gertatu zen, eta larri zauritu zen”.
Bitartean, Asanblada Nazional Konstituziogilea abian jartzeko prozesuak aurrera jarraitzen du, Hauteskunde Batzorde Nazionalak uztailaren 30ean onartuko baitu.
Horren aurrean, Batasun Demokratikoaren Mahaiak (MUD) erabaki horren kontrako protesta egin zuen asteazkenean, baina Venezuelako Guardia Nazionalak negar eragiteko gasa erabili zuen manifestariak sakabanatzeko.
Bestalde, Asanblada Nazional Konstituziogilea osatzen duten ordezkariak aukeratzeko herrialde horretan egingo duten bozketan parte hartzeko deia egin die Madurok herritarrei, “trumoiak jo edota euria egiten badu ere”. Izan ere, oposizioko kideek bozketa horretan trabak jartzen eta sabotajea egiten saiatuko direla esan du Venezuelako presidenteak.
Zure interesekoa izan daiteke
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.
Libano hegoaldean "substantzia kimiko ezezagun bat" botatzea leporatu dio UNFILek Israeli
Nazio Batuen Libanoko Bitarteko Indarrak adierazi du kezkatuta dagoela kimiko horiek osasunerako kaltegarriak izan daitezkeelako, baita nekazaritza-lurretan eta zibilak beren etxeetara itzultzeko izan dezaketen eraginagatik ere.
AEBk irlaren kontrola bereganatzeko helburua izaten jarraitzen duela ohartarazi du Groenlandiako lehen ministroak
AEBko presidenteak diskurtsoa leundu eta indarra erabiltzeko mehatxuetan atzera egin duen arren, Groenlandiak uste du presioak bere horretan jarraitzen duela.
Ehunka hildako Kongoko meategi batean izandako luizi batean
Luizia joan den ostegunean gertatu zen, M23 matxino-taldearen kontrolpean dagoen meategi batean. Hildako gehienak artisau-meatzariak dira, baina meategiaren inguruan lan egiten zuten merkatari txikiak eta inguruko herrixketako bizilagunak ere hil dira.