AEBn aukera guztiak zabalik, 'inoiz ez ikusitako' misil korearraren ostean
Ameriketako Estatu Batuen Gobernuak aukera guztiak ditu eskuartean, Ipar Koreak jaurtitako misil interkontinentalaren ostean. Izan ere, Pentagonoan aitortu dutenez, ez dute inoiz halakorik ikusi eta, Alaskaraino hel litekeela kalkulatu dute.
Jeff Davis kapitain eta Defentsa Departamentuko bozeramaileak ere esan du ez duela aurretik halakorik ikusi. Gainera, AEBko zenbait funtzionariok CNN telebista kateari adierazi diotenez, Ipar Koreak apirilean jaurtitako KN-17aren antzekoa omen da.
Pyongyang oraindik helmen handiko misil nuklearra jaurtitzetik urrun bada ere, Rex Tillerson AEBko Estatu idazkariak onartu du "mehatxua handitu" egin dela, eta adituak bat datoz esatean herrialde asiarrak aurrerapauso militarra eman duela.
Jaurtiketa Estatu Batuen Independentziaren egunean izan zen, hau da, uztailaren 4an, eta Pyongyangen azken probokazioa izateaz gain, hobekuntza militarrak nazioarteari erakusteko modua ere izan da.
Nikki Haley Estatu Batuen NBErako enbaxadak ohartarazi duenez, Donald Trumpen Gobernuak "indar militarrari" helduko lioke Ipar Koreak jaurtitako misil balistiko interkontinentalari erantzutea beharrezkoa balitz; halere, zehaztu duenez, nahiago du "norabide hori" ez hartzea.
Ordezkariak gaineratu du, Kim Jong-un-en azken ekintzek gero eta leku gutxiago uzten diotela konponbide diplomatikoari.
NBEren Segurtasun Kontseilua, atzo, bilduta. Argazkia: EFE
NBEren zigorrak egongo ote dira?
AEBek ebazpen bat aurkeztuko du datozen egunotan NBEn, Ipar Korearen aurkako zigorrak zorrozteko helburuarekin.
Haleyk ziurtatu zuenaren arabera, Washingtonek ez du "soilik Ipar Korea" jasoko dokumentuan, baizik eta Pyongyangekin "negoziorik egitea aukeratzen duen edozein herrialde" ere. Erantsi duenez, ez du bere proposamenaren bertsio "arindu bat" onartuko.
Txinak eta Errusiak, ordea, aurreratu egin dute ez datozela bat Ipar Korearen aurkako zigorrak gogortzearekin, eta konponbidea elkarrizketaren bidez bilatzea eskatu diote AEBri.
iote AEBri.Zure interesekoa izan daiteke
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.