Hildako bat galdeketaren boza-mahai baten parean izandako tiroketan
Gutxienez lagun bat hil da eta beste hiru zauritu dira Catiako barrutian, bozketa-zentro baten parean jazotako tiroketa batean, Caracasen, Venezuelako Fiskaltzak Twitterren bidez jakinarazi duenez. Galdeketa-kanpainaren arduradunaren arabera, ordea, hildakoak bi dira, eta zaurituak, lau.
"Nicolas Maduroren etsipena handi da: bere talde paramilitarrak bidali ditu Catia herrian hilketak egitera", salatu du Twiterren Henrique Capriles oposizioko buruzagiak. Gainera, eliza baten parean izandako liskarrak ikusgai diren bideoa zabaldu du.
Boza emateko 2.030 zentroak 07:00etan tokiko orduan ireki dituzte (11:00etan, GMT).
7.186.170 venezuelarrek parte hartu dute galdeketan, Cecilia Garcia Arocha Venezuelako Unibertsitate Zentraleko errektorearen esanetan.
Katedraduna Hauteskunde Botereaz kanpo egindako kontsultaren "bermatzaileen batzordeko" kide da eta, azaldu duenez, botoen % 95 zenbatu da dagoeneko, baina ez du emaitza zehaztu.
Hauteskunde Batzordeak eta Nicolas Maduro presidentearen Gobernuak ez dute galdeketa ofizialtzat hartu, eta oposizioaren desobedientzia zibileko ekimen bat da.
Apirilaren 1az geroztik Gobernuaren aurkako protesta oldea bizi du Venezuelak. Gutxienez 94 lagun hil dira Poliziarekin izandako istiluetan.
Poliziarekin izandako istiluetan gutxienez lagun bat hil da. Argazkia: EFE
'Sistema demokratikoaren isla'
Bestalde, "itxurazko hauteskunde-prozesuan" parte hartzera deitu du Nicolas Maduro Venezuelako presidenteak, ekimen konstituziogilea eta "barne-galdeketa" errefusatzeko asmoz. Ekimen konstituziogilea eta oposizioak deitutako herri-galdeketa aldi berean egingo dituzte, eta hori herrialdearen sistema demokratikoaren isla da, Maduroren iritziz.
"Herritar guztiak deitu nahi ditut igande honetan boza ematera joan daitezela, era baketsuan eta besterarekiko errespetuarekin, inolako jazoerarik gabe, itxurazko hauteskunde-prozesuaren makinak nola funtzionatzen duen ezagutzeko, nortzuk diren hautagaiak, hobeto informatuta egoteko. Bakea eskatzen dut, bakea nahi dut, eta bakea izango dugu", adierazi du presidenteak.
"Talde Demokratikoaren Batzordearen barne-galdeketa deitu du oposizioak", azaldu du Madurok, "oposizioaren alderdiek deitu dute, euren tresna propioekin, eta hauteskunde-zerrendarik, aurretiko eta ondorengo ikuskaritzarik gabe".
Amaitzeko, oposizioak ezarri nahi duen "heriotzaren agenda biolentoa" salatu du; dena dela, "bakea eta lasaitasuna izango dira nagusi", Madurok azpimarratu duenez.
Nicolas Maduro, Venezuelako presidentea. Argazkia: EFE
''Normaltasuna eta partaidetza handia''
Venezuelako CNEaren presidenteorde den Sandra Oblitasek adierazi du itxurazko hauteskunde-prozesuan ''normaltasuna'' dela nagusi, eta partaidetza ''handia'' izan dela.
Bestalde, Tareck El Aissami Venezuelako presidenteordeak kritikatu egin du oposizioak deitutako galdeketa, venezuelarrek ''era irmoan arbuiatzen'' duten ekimen ''kolpista'' baten parte baita.
Zure interesekoa izan daiteke
Israelgo Armadak "eraso olde berri bat" iragarri du Libano hegoaldean
Israelgo Defentsa ministroak Libanoko Litani ibaiaren gaineko zubi guztiak "berehala" suntsitzeko agindu du. Gaur bertan, Qasmiyeh zubiari eraso diote (irudietan ikus daiteke). Israelgo Armadak, bestalde, "eraso olde berri bat" iragarri du, Hezbollah talde xiitaren "azpiegituren aurka", Libano hegoaldean.
Iranen aurkako gerrarekin bat egiteko eskatu dio mundu osoari Netanyahuk
Gideon Saar Atzerri ministroak Araden salatu duenez, Iranek gerrako krimenak egin ditu azken 24 orduetan bertan, "jomuga militarrik" ez duten gune zibilei eraso eginda.
Irango zentral elektrikoak suntsitzeko mehatxua egin du Trumpek, Teheranek Ormuzko itsasartea 48 orduko epean irekitzen ez badu
Iranek esan du itsasartea irekita dagoela AEBrentzat eta Israelentzat izan ezik, eta ohartarazi du azpiegitura energetikoei, gatza kentzeko plantei eta AEBk eskualdean dituen informazio-teknologien zentroei eraso egingo diela, mehatxua betetzen badu.
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.