Bi hildako eta 50 zauritu Venezuelan, 48 orduko grebaren lehen egunean
Manifestariek eta segurtasun indarrek talka egin dute berriro Venezuelan, oposizioak Asanblea Konstituziogilearen aurka deitutako 48 orduko grebaren lehen egunean, eta bi pertsona hil eta beste 50 zauritu dira protestetan.
Biktimak 30 urteko gizonezko bat eta 16 urteko nerabe bat dira, eta Meridan eta Caracasen hil dituzte, hurrenez hurren.
Carlos Garcia Merida hiriburuko alkateak Poliziako agenteei egotzi die Rafael Vergara izenarekin identifikatu duten gizonezkoaren heriotza. Alkatearen esanetan, "diktaduraren organoen errepresioaren" biktima izan da, Twitterren argitaratu duenez, eta tiroz hil dutela zehaztu gabe bertako bizilagunek.
Caracas metropoli-barrutiko 104 Fiskaltzak, berriz, Petare auzo jendetsuan nerabe bat hil dela baieztatu du, Ministerio Publikoak Twitter bidez zabaldu duenaren arabera.
Bestalde, oposizioak esan du grebak % 92ko jarraipena izan duela lehen egunean; Madurok, aldiz, datu hori ukatu du.
Grebarako deialdiaren aurrean, "langileria gailendu da" eta "garaipen handia izan du gaur greba mugagabea egiteko saiakerari aurre eginez", esan du Madurok bere jarraitzaileen aurrean egindako eta telebista eta irrati bidez zabaldutako ekitaldi batean.
Oposizioaren iritzian, ostera, greba arrakastatsua izan da. "Guztira % 92ko parte hartzea izan du herrialde osoan", esan du Freddy Guevara diputatuak, Batasun Demokratikorako Mahaiaren izenean.
Oposizioaren helburua igandean egitekoa den Asanblea Konstituziogilea geldiaraztea da, horren iritzian, Maduroren "diktadura" egonkortuko lukeelako.
Maduroren aldekoek, berriz, prozesua defendatzen dute "iraultza sendotu eta Estatu komunala indartzeko".
Madurok Venezuelako herritarrak deitu ditu Konstituziogilea osatzeko 500 kide aukera ditzaten, nazioarteko hainbat herrialderen iritziaren aurka.
Gaur da Asanblea Konstituziogilearen aldeko azken kanpaina eguna, eta Maduroren aldekoak Caracasen elkartuko dira, ekitaldi handi batean.
Zure interesekoa izan daiteke
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.